კახა კახიშვილი - ადამიანების ტრაგედიაზე ცინიკური განცხადებები უბრალოდ მიუღებელია

ეს იყო ტრაგიკული მოვლენა, რომელიც საქართველოს ისტორიაში შევა, როგორც ერთ-ერთი ტრაგიკული, სტიქიური უბედურება, - განაცხადა რეგიონული პოლიტიკისა და თვითმმართველობის კომიტეტის თავმჯდომარემ კახა კახიშვილმა პლენარულ სხდომაზე ინტერპელაციის წესით შინაგან საქმეთა მინისტრის მოსმენის შემდეგ, შოვში მომხდარ სტიქიურ უბედურებასთან დაკავშირებით.

მისივე შეფასებით, დღეს მოისმინეს შინაგან საქმეთა მინისტრის განმარტება და სამწუხაროდ, ეს განმარტებები საკმარისი არ აღმოჩნდა, რომ ზოგიერთს უბრალოდ დასკვნა გაეკეთებინა და სხვა რიტორიკაზე გადასულიყო.

„წლებია ჩვენ გლობალური დათბობის შესახებ გვესმის ინფორმაცია სხვადასხვა მეცნიერის მხრიდან, მაგრამ ამას სათანადო ყურადღებას არ ვაქცევდით და ბოლო წლებში განვითარებულმა სტიქიურმა უბედურებამ მსოფლიოს სხვადასხვა ქვეყანაში გვაჩვენა, რომ საქმე მარტივად ნამდვილად არ არის. ჩვენ დღეს შეგვიძლია ვისაუბროთ კიდევ რა შეგვეძლო გაგვეკეთებინა. ნამდვილად უნდა გავარკვიოთ ეს საკითხი და თუ სადმე რამეა დასამატებელი, აუცილებლად ამაზე უნდა ვიფიქროთ, მაგრამ ცინიკური განცხადებები ადამიანების ტრაგედიაზე უბრალოდ მიუღებელია. არანაირი პოლიტიკა და გამოსვლა არ ღირს იმ ფასად, როდესაც ადამიანის სიცოცხლეს ეხები და მის ტრაგედიაზე იწერ რაღაც ქულებს, მითუმეტეს, როცა ეს უსაფუძვლოა. თუ საქმიანი კითხვები გააჩნიათ, მათ პასუხი უკვე გაეცათ. მინდა მადლობა გადავუხადო სამინისტროში ყველა იმ ადამიანს, რომელიც ტრაგედიის აღმოფხვრის სამუშაოებში იყო ჩართული", - განაცხადა კახა კახიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024