გოჩა ენუქიძე - რასაც დღეს ვაკვირდებით, პოლიტიკური სპეკულაციების მდაბიო მცდელობა, უკიდურესად მიუღებელია

ჩვენ ყველას გვემახსოვრება ეს მოვლენა, რომელიც მოუშუშებელი ტკივილია. შეუძლებელია ამ შემთხვევას ვინმე გულგრილი დაეტოვებინა, განსაკუთრებით როდესაც ტრაგედია ბავშვების სიცოცხლეს ეხება. მაგრამ, სამწუხაროდ, აღმოჩნდნენ ადამიანები, რომლებმაც აქაც კი პოლიტიკური აქცენტები გააკეთეს და დღევანდელი ინტერპელაციისას დასმული სკითხები ამის ნათელი მაგალითია , - განაცხადა ამბროლაურის, ონის, ცაგერის, ლენტეხის და მესტიის მაჟორიტარმა დეპუტატმა გოჩა ენუქიძემ პლენარულ სხდომაზე, სადაც ინტერპელაციის წესით შინაგან საქმეთა მინისტრს ვახტანგ გომელაურს უსმენენ.

მან მადლიერება გამოხატა ყველას მიმართ, ვინც იმ რთულ ვითარებაში თანადგომა გამოუცხადა რაჭასა და რაჭველებს.

„დღეს რაჭა მგლოვიარეა. სტიქიას უდიდესი ტრაგედია და დიდი ტკივილი ახლავს. ამ ვითარებაში საზოგადოება ერთიანდება და საქართველოში ამის არაერთი მაგალითი გვიხილავს. მაგრამ ის, რასაც დღეს ვაკვირდებით, პოლიტიკური სპეკულაციების მდაბიო მცდელობა, უკიდურესად მიუღებელია. მე იქ ვნახე დიდი პატრიოტიზმი და საქმის პროფესიონალების მუშაობა. 400 მაშველი 24 საათის განმავლობაში ადგილზე იმყოფებოდა, დღესაც აგრძელებს მუშაობას და სამაშველო სამუშაოები გაგრძელდება, ვიდრე ნაპოვნი არ იქნება ის ერთი ცხედარი.

მადლობა უნდა ვუთხრა ჩემს გუნდს, პირველი დღიდან რომ სულ იქ იყვნენ, ჯანდაცვის სამინისტროს, ინფრასტრუქტურის სამინისტროს, თავდაცვის სამინისტროს, თითოეულ მაშველს, მექანიზატორს და არ შემიძლია კერძო სექტორი არ გამოვყო, რომელმაც ანაზღაურებაზე უარი თქვა და ისე მუშაობდა“, - განაცხადა გოჩა ენუქიძემ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო