მიხეილ სარჯველაძე - ძალადობა მიუღებელია და ეს ყოველგვარი პოლიტიკური მიკერძოების მიღმა გასათვალისწინებელი ფაქტორია ყველასთვის - რა მოხდა, ვინ რა დააშავა, დაინტერესდებიან და გაარკვევენ საგამოძიებო ორგანოები

ძალადობა მიუღებელია და ეს ყოველგვარი პოლიტიკური მიკერძოების მიღმა გასათვალისწინებელი ფაქტორია ყველასთვის - ოპონენტების მხრიდან ხმამაღალი შეფასებები და წინასწარ განაჩენების დაყენებაც არასწორია , - ამის შესახებ პარლამენტის ადამიანის უფლებათა კომიტეტის თავმჯდომარე მიხეილ სარჯველაძემ ჟურნალისტებთან განაცხადა.

სარჯველაძე თბილისის საკრებულოში „ნაციონალური მოძრაობის“ წევრზე, ირაკლი ეძგვერაძეზე თავდასხმის ფაქტს გამოეხმაურა და აღნიშნა, რომ გამოძიება ყველაფერს დაადგენს.

როგორც მან აღნიშნა, ძალადობას ემიჯნება, თუმცა, არავის აქვს უფლება წინასწარ დამნაშავედ ვინმე გამოაცხადოს, იმის მიუხედავად, ამას ხაბეიშვილი ამბობს თუ თავად დაზარალებული.

"ზოგადად, ეს ის მომენტებია, როცა აუცილებელია პირველ რიგში გვახსოვდეს, რომ ძალადობა კატეგორიულად მიუღებელია. მინდა ვთქვა ხელისუფლების სახელით, რომ ეს არის ის, რაც ყველაზე ნაკლებად სჭირდება დღეს საზოგადოებას აგრესია და ურთიერთობის ის ფორმა, რომელიც, როგორც ჩანს, ცალკეულმა პირებმა აირჩიეს. მინდა გავემიჯნო პირდაპირ ძალადობას და რა მოხდა და ვინ რა დააშავა, ამით დაინტერესდებიან და გაარკვევენ საგამოძიებო ორგანოები. შემდეგ გვექნება დასკვნების გამოტანის შესაძლებლობა. ის, რაც დასაწყისში ვთქვი (ძალადობის მიუღებლობაზე) ეს ყოველგვარი პოლიტიკური მიკერძოების მიღმა გასათვალისწინებელი ფაქტორია უკლებლივ ყველასთვის.

რაც შეეხება ოპოზიციის მხრიდან წინასწარ ხმამაღალ განცხადებებს, შეფასებებს, კვალიფიკაციის და განაჩენების დაყენებას, ესეც, რა თქმა უნდა, არასწორია.

გამოძიება გაარკვევს, რასთან გვაქვს საქმე, შემდეგ შეგვეძლება შეფასებების გაკეთება. კატეგორიულად მიუღებელია ძალადობა, ასეთი ფორმის ამგრიშსწორება იქნება თუ ნებისმიერი ძალადობრივი ფაქტი არის მიუღებელი პარტიული კუთვნილების მიუხედავად, ჩემიანია თუ სხვისიანი, მაგრამ წინასწარ დამნაშავედ, მხოლოდ იმის გამო, რომ ხაბეიშვილი ასე ამბობს, არ გაქვთ უფლება ვინმე დამნაშავედ გამოაცხადოთ, გინდათ დაზარალებული ამბობდეს, ამას სჭირდება გამოძიება", - განაცხადა სარჯველაძემ.

ინფორმაციისთვის, თბილისის საკრებულოში „ერთიანი ნაციონალური მოძრაობის“ წევრი დეპუტატის, ირაკლი ეძგვერაძის განცხადებით, მას ფიზიკურად 30-ზე მეტი პირი გაუსწორდა. ეძგვერაძის თქმით, მასზე განხორციელებული თავდასხმის დამკვეთი საკრებულოში გლდანის მაჟორიტარი დეპუტატი, „ქართული ოცნების“ წევრი კოტე ზარნაძეა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024