გიორგი ცაგარეიშვილი ოპოზიციას - გააუქმეთ გეოლოგიის დეპარტამენტი, ჯართში ჩააბარეთ მეტეოროლოგიური დაკვირვების ქსელი, მოსპეთ ყველაფერი, რაზეც ხელი მიგიწვდათ და ახლა თქვენ ითხოვთ აქ დამნაშავის ძიებას

„გააუქმეთ გეოლოგიის დეპარტამენტი, უდიდესი ტრადიციების მქონე ინსტიტუტი ამ ქვეყანაში, ჯართში ჩააბარეთ მეტეოროლოგიური დაკვირვების ქსელი, მოსპეთ ყველაფერი, რაზეც ხელი მიგიწვდათ და ახლა თქვენ ითხოვთ აქ დამნაშავის ძიებას, - ასე მიმართა ოპოზიციას საპარლამენტო უმრავლესობის წევრმა, გიორგი ცაგარეიშვილმა პლენარულ სხდომაზე, სადაც ინტერპელაციის ფორმატში შინაგან საქმეთა მინისტრს მოუსმინეს.

მან ინტერპელაციის კითხვის ადრესატს თინა ბოკუჩავას მიმართა და განაცხადა, რომ ბუნებრივი კატასტროფების პრევენციის პროექტში 27 კი არა, 32 მილიონია დასახარჯი.

დეპუტატის თქმით, ბუნებრივი კატასტროფების პრევენციის პროექტს საქართველოში ახორციელებს გაეროს განვითარების პროგრამა, შვეიცარიის თანამშრომლობისა და განვითარების სააგენტო, შვედეთის საერთაშორისო განვითარების სააგენტო და საქართველოს მთავრობა თანადაფინანსების მიმართულებით.

„თქვენ რომ საკითხში გარკვევა გდომოდათ, სულ მცირე მაია ბითაძეს ჰკითხავდით რამეს, ან ბოლოს და ბოლოს მე მკითხავდით და იმას მაინც გაარკვევდით, რომ ბოლო 5 წელი იმ სააგენტოში ვიმუშავე, რომელიც ამ პროექტს ემსახურებოდა. ერთ რამეს გეტყვით, როცა ამ პროექტმა მუშაობა დაიწყო და როცა დაიწყო სააგენტოს აღორძინება, ყველაფერი პირწმინდად გაჩანაგებული და განადგურებული იყო. ასევე შევახსენებ საზოგადოებას, რომ გაჩანაგების, განადგურების მსახვრალი ხელი ამ მიმართულებას დაეტყო 2004 წლიდან, როცა პირდაპირი მნიშვნელობით გამოყარეს გეოლოგები თავისი სამსახურიდან და გააუქმეს გეოლოგიის დეპარტამენტი. მოსპეთ ყველაფერი რაზეც ხელი მიგიწვდათ იმ 9 წელიწადში. ახლა თქვენ უსვამთ კითხვებს მთავრობას და ითხოვთ აქ დამნაშავის ძიებას. თქვენს თავში თუ ჩაიხედავთ და ცოტა კრიტიკულად გადახედავთ თქვენი ხელისუფლების ზეობის ჟამს ამ მიმართულებით გადადგმულ ნაბიჯებს, ძალიან კარგი იქნება", - მიმართა გიორგი ცაგარეიშვილმა ოპოზიციონერ დეპუტატებს.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი