პაატა მანჯგალაძე - დამარცხებულია ჯაშუშების "ქართული ოცნება" - როცა ღალატის გზას ადგები, იმ წამიდან მარცხი გადაწყვეტილია

დამარცხებულია ჯაშუშების "ქართული ოცნება" რადგან როცა ღალატის გზას ადგები, იმ წამიდან მარცხი გადაწყვეტილია,- ამის შესახებ სტრატეგია აღმაშენებლის“ ერთ-ერთმა ლიდერმა, პაატა მანჯგალაძემ განაცხადა.

მისივე თქმით, რეჟიმი დამარცხდება საქართველო კი გაიმარჯვებს

„რუსი ჯაშუში ფარცხალაძისთვის საქართველოს მოქალაქეობის არ შეწყვეტა არის წარმოუდგენელი აბსურდი იმ მოტივით, თითქოს საქართველოს მოქალაქეობის პირობებში უფრო დაისჯება. პირველი, აბსურდია იმიტომ, რომ დასჯის შემთხვევაში არავითარი მნიშვნელობა არ აქვს პირი არის თუ არა საქართველოს მოქალაქე, როცა ისეთი მძიმე დანაშაულის ჩადენაზეა საუბარი, როგორიც არის რუსეთის ჯაშუშობა - აგენტობა.

და მეორე, პრეზიდენტს მართლა სჯერა, რომ „ქართულ ოცნებაში" არსებული გაუშიფრავი მაღალი რანგის აგენტები დასჯიან გაშიფრულ თავიანთ კოლეგა რუსეთის ჯაშუშ ფარცხალაძეს?

მე არ ვიცი, ვინ ურჩია ეს, მაგრამ პირდაპირ მინდა ვთქვა, რომ ეს არის სიბრიყვე და პოლიტიკური მავნებლობა”, - განაცხადა მანჯგალაძემ.

მანჯგალაძე, ასევე, გამოეხმაურა გლდანში მომხდარ ინციდენტს.

„ამასთან არ შემიძლია არ გამოვეხმაურო ოპოზიციონერებზე თავდასხმის ფაქტებს. ესეც რუსულია თავისი არსით და ბუნებით, რომ როცა სიმართლეს ვერ უპირისპირებ არგუმენტს, უნდა გადახვიდე ძალადობაზე და ამაში უნდა გამოიყენო კრიმინალთან სხვადასხვა ტიპის კონტაქტში მყოფი ადამიანები. ესეც სიბრიყვეა „ქართული ოცნების" მხრიდან, რადგან არავის გამოსვლია ქართველი ერის დაშინება თავისუფლებისა საქართველოს ერთიანობის გზაზე.

აქვე, ჩვენ როცა ვსაუბრობთ ძალადობაზე, არ მინდა გაგებული იქნას, თითქოს ჩვენ ვართ მსხვერპლი, მსხვერპლი არის რუსული რეჟიმი, დამარცხებული არის ჯაშუშების ქართული ოცნება რადგან როცა ღალატის გზას ადგები, იმ წამიდან მარცხი გადაწყვეტილია. რეჟიმი დამარცხდება! საქართველო გაიმარჯვებს და რაც ხდება ეს არის ხელისუფლების არა ძალის არამედ სისუსტის ნიშანი. მთავარია ახლა ჩვენ ვირწმუნოთ ჩვენი ერთიანობის და იმის, რომ გამარჯვება ახლოს არის! ", - აღნიშნა პაატა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024