ადვოკატი - ჩვენი პოზიციაა, რომ აბსოლუტურად, უკანონოდ მოხდა ნიკა მელიას, ბაჩო დოლიძის და ზვიად კუპრავას დაკავება, პოლიციის მხრიდან იყო პროვოცირება - ვეცდებით სასამართლო დავარწმუნოთ, ადმინისტრაციული სასჯელი არ იყოს გამოყენებული

ადვოკატ გიორგი კონდახიშვილის განცხადებით, გლდანში მომხდარი ინციდენტის დროს დაკავებულები - ნიკა მელია, ბაჩო დოლიძე და ზვიად კუპრავა უკვე გადაიყვანეს საქალაქო სასამართლოში.

ადვოკატის თქმით, დაცვის მხარის პოზიციაა, რომ აბსოლუტურად, უკანონოდ მოხდა ნიკა მელიას, ბაჩო დოლიძის და ზვიად კუპრავას დაკავება და პოლიციის მხრიდან იყო პროვოცირება, ადვოკატის განცხადებით, ეცდებიან სასამართლო დაარწმუნონ, რომ მათ მიმართ ადმინისტრაციული სასჯელი არ იყოს გამოყენებული.

მისივე განმარტებით, შემთხვევის ადგილას, "ერთ-ერთი მაღალჩინოსანი არაფხიზელ მდგომარეობაში იყო და გამომწვევად იქცეოდა".

"სამივე დაკავებული, ჩვენს ხელთ არსებული ინფორმაციით, სასამართლოში გადაიყვანეს. უახლოეს საათებში სასამართლო პროცესის ჩანიშვნას ველოდებით, სადაც თავისთავად, პოზიცია გვექნება, რომ გავეცნოთ იმას, თუ რა მტკიცებულებების ფონზე ითხოვს შსს ნიკა მელიას და მისი თანმხლები პირების ადმინისტრაციული სამართალდარღვევებად ცნობას. ჩვენი პოზიციაა, რომ აბსოლუტურად, უკანონოდ მოხდა დაკავება, პოლიციის მხრიდან იყო პროვოცირება, სიტუაციის ესკალაცია. ერთ-ერთი მაღალჩინოსანი, რომელიც არაფხიზელ მდგომარეობაში იყო, შემთხვევის ადგილას საკმაოდ გამომწვევად იქცეოდა. როგორც ჩანს, მიზანი ჰქონდა თავიდანვე, რომ მელია და მისი თანმხლები პირები დაეკავებინა. ამიტომაც, ამ ყველაფრის შეჯერების შედეგად, ვეცდებით სასამართლო დავარწმუნოთ, რომ მათთან მიმართებით ადმინისტრაციული სასჯელი არ იყოს გამოყენებული. თუმცაღა, თავდაპირველად, უნდა ვნახოთ რა მტკიცებულებებს ეყრდნობა შსს. ამის შემდეგ, მრავალს მოწმეს ჩვენც წარვადგენთ, დაკითხვას მოვითხოვთ", - განაცხადა გიორგი კონდახიშვილმა.

შეგახსენებთ, რომ გლდანში, თბილისის საკრებულოში „ერთიანი ნაციონალური მოძრაობის“ დეპუტატს, ირაკლი ეძგვერაძეს თავს დაესხნენ. ეძგვერაძის განცხადებით, მას ფიზიკურად 30-ზე მეტი პირი გაუსწორდა. ეძგვერაძის თქმით, მასზე განხორციელებული თავდასხმის დამკვეთი საკრებულოში გლდანის მაჟორიტარი დეპუტატი, „ქართული ოცნების“ წევრი კონსტანტინე ზარნაძეა.

მოგვიანებით, ადგილზე ვითარება დაიძაბა. „ერთიანი ნაციონალური მოძრაობისა“ და სამართალდამცველებს შორის დაპირისპირებისას პოლიციამ 3 პირი - პარტიის წევრები ნიკა მელია, ზვიად კუპრავა და ბაჩო დოლიძე დააკავა. შსს-მ ირაკლი ეძგვერაძეზე თავდასხმის ფაქტზე გამოძიება ჯგუფურად ჩადენილი ძალადობის მუხლით დაიწყო, ხოლო ნიკა მელია, ბაჩო დოლიძე და ზვიად კუპრავა ადმინისტრაციული წესით არიან დაკავებულები.

„ქართული ოცნების“ წევრი, კოტე ზარნაძე ბრალდებებს უარყოფს.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი