შემოსავლების სამსახურის უფროსი ლევან კაკავა ვილნიუსში გამართულ „აღმოსავლეთ პარტნიორობის საბაჟო თანამშრომლობის“ შეხვედრას დაესწრო

ფინანსთა სამინისტროს შემოსავლების სამსახურის უფროსი ლევან კაკავა ვილნიუსში გამართულ „აღმოსავლეთ პარტნიორობის საბაჟო თანამშრომლობის“ შეხვედრას დაესწრო.

როგორც უწყების მიერ გავრცელებულ ინფორმაციაშია ნათქვამი, აღნიშნულ ღონისძიებას „აღმოსავლეთ პარტნიორობის“ 5 ქვეყნისა და ევროკავშირის წევრი სახელმწიფოების საბაჟო და სასაზღვრო სამსახურების წარმომადგენლები ესწრებოდნენ.

„ფორუმის მიზანია საბაჟო ადმინისტრაციების თანამშრომლობისა და საზღვრის ინტეგრირებული მართვის მიმართულებით, დიალოგის ახალი პლატფორმის შექმნა და ევროკავშირის საბაჟო კანონმდებლობასთან კიდევ უფრო დაახლოება. შეხვედრების ფარგლებში, გაიმართა დისკუსია აღმოსავლეთ პარტნიორობის ქვეყნებში საერთო სატრანზიტო სისტემების გაფართოების, ასევე ციფრული სერვისების სასწავლო პროგრამების დაფინანსების ხელმისაწვდომობაზე და სხვა.

შეხვედრის მსვლელობისას, შემოსავლების სამსახურის საერთაშორისო ურთიერთობათა დეპარტამენტის უფროსმა, სამსონ ურიდიამ მონაწილეებს, ევროკავშირის კანონმდებლობასთან ჰარმონიზაციის მიმართულებით მიღწეული პროგრესის შესახებ, ვრცელი პრეზენტაცია წარუდგინა და ევროკავშირის კანონმდებლობის აღსრულების კუთხით მიღწეულ პროგრესსა და ამ მიმართულებით პარტნიორული პლატფორმის შექმნის აუცილებლობაზე ისაუბრა.

შეხვედრის ფარგლებში, ქართული დელეგაციის წევრებმა საბაჟო გამშვები პუნქტი „მედინინკაი“ მოინახულეს და ლიეტუვას საბაჟო ადმინისტრაციის უფროსთან დარიუს ზვირონასთან ორმხრივი შეხვედრა გამართეს. მხარეებმა განიხილეს ქვეყნებს შორის, საბაჟო სფეროში არსებული თანამშრომლობის სხვადასხვა საკითხი, რომელიც მოიცავს, როგორც კანონაღსრულებას, ასევე ინფორმაციის ელექტრონულ რეჟიმში გაცვლის სისტემებს და სხვა. შემოსავლების სამსახურის ხელმძღვანელმა დაადასტურა მზაობა, მომავალშიც მხარი დაუჭიროს პრიორიტეტულ სექტორებში თანამშრომლობას. ამასთან ყურადღება გამახვილდა იმ რისკის პროფილებზე, რომელთა საფუძველზეც ოპერატიულად იდენტიფიცირდება და კონტროლდება, სანქცირებული საქონლის საქართველოს საბაჟო ტერიტორიაზე გადაადგილება.

შეხვედრას ასევე, ესწრებოდნენ საერთაშორისო დეპარტამენტის უფროსი, სამსონ ურიდია და საბაჟო რისკემის სამმართველოს უფროსის მოადგილემ ოთარ რიკაძე“, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024