ვიქტორ ყიფიანი IMF-ის მუდმივ წარმომადგენელს საქართველოში, ენდრიუ ჯუელს შეხვდა

ანალიტიკური ცენტრი „ჯეოქეისის“ თავმჯდომარე ვიქტორ ყიფიანი საერთაშორისო სავალუტო ფონდის მუდმივ წარმომადგენელს საქართველოში ენდრიუ ჯუელს შეხვდა. ინფორმაციას „ჯეოქეისი“ ავრცელებს.

მათივე ცნობით, შეხვედრაზე განიხილეს საქართველოს ეროვნული ბანკის მიერ 19 სექტემბერს მიღებული გადაწყვეტილება, რის თანახმადაც სანქციათა რეჟიმების შესრულების წესში ცვლილება შეიტანა და რამდენიმე გამონაკლისი დაუშვა.

„საქართველოს ეროვნული ბანკის მიერ განხორციელებულ მარეგულირებელ ცვლილებებთან დაკავშირებით ორივე მხარემ ხაზგასმით აღნიშნა, რომ ასეთი ნაბიჯი მნიშვნელოვან რისკს ქმნის.

აღინიშნა, რომ საერთაშორისო სავალუტო ფონდი გეგმავს ამ საკითხის დეტალურ გამოკვლევას ეროვნულ ბანკთან და კომერციულ ბანკებთან თანამშრომლობით. საფუძვლიანი შეფასების შემდეგ, სავალუტო ფონდი უზრუნველყოფს ამ ცვლილებების გავლენის ზუსტ შეფასებას, მათ შორის მათ გავლენას IMF-ის მხარდაჭერილ ქართულ პროგრამაზე.

აგრეთვე, შეხვედრაზე საუბარი შეეხო იმ ფაქტორებს, რაც გავლენას ახდენს საფინანსო სისტემის მდგრადობასა და სტაბილურობაზე. განიხილეს თუ რა ღონისძიებები შეიძლება გატარდეს რათა საბანკო-საფინანსო სისტემა დარტყმის ქვეშ არ აღმოჩნდეს და შეინარჩუნოს მედეგობა, რაც ძალიან მნიშვნელოვანია მაკრო-ეკონომიკური სტაბილურობისა და კეთილდღეობისათვის“, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი