ადვოკატი - ლაზარე გრიგორიადისის მიმართ გამოტანილი განაჩენი  უკანონო და დაუსაბუთებელია, რასაც დაცვის მხარე სააპელაციო სასამართლოში გაასაჩივრებს

მამის მიმართ განხორციელებული ძალადობის ფაქტზე ლაზარე გრიგორიადისისთვის გამოტანილ გამამტყუნებელ განაჩენს ადვოკატი ლიკა ბითაძე არაკანონიერს უწოდებს.

როგორც "ინტერპრესნიუსთან" საუბარში ბითაძე განმარტავს, აღნიშნულ საქმეზე 2 წლის შემდეგ განაჩენის გამოტანა 7-8 მარტის საქმეზე გრიგორიადისის ბრალდებას უკავშირდება.

როგორც ადვოკატი აღნიშნავს, თუკი, მომდინარე საქმეზე განსაზღვრულ ვადაში ვერ ჩაეტევიან, გრიგორიადისს თავისუფლების აღკვეთა უკვე მისჯილი ექნება.

ადვოკატები განაჩენს სააპელაციო სასამართლოში გაასაჩივრებენ.

"მიგვაჩნია, რომ მოცემული განაჩენი კანონიერი არ არის. ხსენებული პროცესი 3 წელია არ დანიშნულა და ახლა ჩანიშნეს მხოლოდ და მხოლოდ იმის გამო, რომ გამამტყუნებელი განაჩენი დამდგარიყო, სასჯელის ნაწილი აუცილებლად წელიწადი, ან წელიწადნახევარი ყოფილიყო, რაც სასამართლომ სრულად დაადგინა მხოლოდ იმისთვის, რომ სხვა საქმეზე, რომელზეც პროცესები მიმდინარეობს, დაცვის მხარეს საპატიმრო ვადა არ გაეშვა. მიგვაჩნია, რომ ლაზარე გრიგორიადისის მიმართ დღეს გამოტანილი განაჩენი მხოლოდ ამიტომ დადგა, ის უკანონო და დაუსაბუთებელია, რასაც დაცვის მხარე აუცილებლად გაასაჩივრებს სააპელაციო სასამართლოში",- განაცხადა ბითაძემ.

ცნობისთვის, ლაზარე გირგორიადისი, რომელსაც მამის, ბექა გრიგორიადისის დაჭრას ედავებოდნენ, თბილისის საქალაქო სასამართლომ დამნაშავედ ცნო და მას 1 წლითა და 6 თვის ვადით თავისუფლების აღკვეთა მიესაჯა.

მოსამართლის გადაწყვეტილებითვე, გრიგორიადისთვის სისხლის სამართლის კოდექსის 11 პრიმა 120-ე მუხლით წარდგენილი ბრალდება, რაც ჯანმრთელობის განზრახ მსუბუქ დაზიანებას გულისხმობს,

ოჯახის წევრის მიმართ ჩადენილი ძალადობით გადაკვალიფიცირდა.

სასამართლოს გადაწყვეტილებით, გრიგორიადისი დამნაშავედ იქნა ცნობილი 187-ე მუხლის პირველი ნაწილით წარდგენილ ბრალდებაში, რაც გრიგორიადისს მამის კუთვნილი მანქანის დაზიანებას გულისხმობს. მას მოსამართლემ 3000-ლარიანი ჯარიმა დაეკისრა. თუმცა, მძიმე სასჯელმა აღნიშნული სასჯელი შთანთქა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი