არჩილ თალაკვაძე თბილისის სახელმწიფო სამედიცინო უნივერსიტეტის სტუდენტებს - ქვეყნის წარმატებულ მომავალს კონკურენტული ცოდნით აღჭურვილი მოქალაქეები ქმნიან - დღეს თქვენი დღეა და წარმატებებს გისურვებთ! მეამაყება, რომ მეც ამ უნივერსიტეტში ვსწავლობდი!

ჩემთვის დიდი პატივია, რომ ამ ღონისძიებას უკვე წლებია ვესწრები. გილოცავთ ახალი სასწავლო წლის და სტუდენტობის დაწყებას. სახელმწიფო დიდ ინვესტიციას აკეთებს განათლების სფეროში, რადგან ქვეყნის წარმატებულ მომავალს კონკურენტული ცოდნით აღჭურვილი მოქალაქეები ქმნიან - დღეს თქვენი დღეა და წარმატებებს გისურვებთ! მეამაყება, რომ მეც ამ უნივერსიტეტში ვსწავლობდი!, - ამის შესახებ საქართველოს პარლამენტის ვიცე-სპიკერმა არჩილ თალაკვაძემ თბილისის სახელმწიფო სამედიცინო უნივერსიტეტის 2023-2024 სასწავლო წლის დაწყებისადმი მიძღვნილ საზეიმო ღონისძიებაზე სიტყვით გამოსვლისას განაცხადა.

მან სახელმწიფო სამედიცინო უნივერსიტეტის მნიშვნელობაზე, მის ტრადიციებზე და მიღწეულ პროგრესზე გაამახვილა ყურადღება. არჩილ თალაკვაძემ ახალგაზრდებს სტუდენტობა მიულოცა და წარმატებები უსურვა.

„თქვენ შემოდიხართ ჯანდაცვაში ძალიან რთულ დროს. როდესაც მსოფლიო და პროცესები არის უფრო მეტად აჩქარებული, ადამიანები სულ უფრო ფართოდ იყენებენ ტექნოლოგიებს, ხელოვნურ ინტელექტს და სამეცნიერო პროგრესს, როდესაც პაციენტებიც ბევრად მეტ ინფორმაციას ფლობენ. ამ დროში ცოდნის და ინფორმაციის ნაწილი ყოველ წუთს კარგავს ფასს, მაგრამ ახალი ცოდნა და ინფორმაცია იძენს წარმოუდგენელ ღირებულებას. მიხარია, რომ სამედიცინო უნივერსიტეტი მიყვება ამ პროგრესს და მუდმივად აუმჯობესებს თავის თავს. რექტორი, ადმინისტრაცია და აკადემიური პერსონალი ბევრს აკეთებენ, რომ უნივერსიტეტი წარმატებული იყოს. თქვენი არჩევანი, რომ ემსახუროთ ადამიანებს, დაიცვათ მათი ჯანმრთელობა და სიცოცხლე - ძალიან საპასუხისმგებლოა - წარმატებებს გისურვებთ", - განაცხადა არჩილ თალაკვაძემ.

ვიცე-სპიკერმა იმ ექიმების ღვაწლიც გაიხსენა, რომლებმაც თავი შესწირეს სამშობლოს ტერიტორიული მთლიანობისთვის ბრძოლაში: "სამედიცინო უნივერსიტეტს ახსოვს არა მხოლოდ ბედნიერი და მხიარული დღეები, არამედ რთული დღეებიც - მინდა გავიხსენო ის ექიმები, რომლებმაც თავი შესწირეს თავის ქვეყანას, სამშობლოს და ტერიტორიული მთლიანობის დაცვას. მათ გმირობის მაგალითი მისცეს ქვეყანას და ჩვენს საზოგადოებას", - განაცხადა არჩილ თალაკვაძემ.

სტუდენტებს მიმართა პარლამენტის წევრმა ლადო კახაძემ.

„ეცადეთ რომ თქვენი ქმედება პირდაპირ ბმაში იყოს ქვეყნის ინტერესებთან. თქვენი ყოველი ნაბიჯი, წარმატებით დაგვირგვინებული, პატივისცემა იქნება თქვენი წარსულის და იქნება ახალი მოტივაცია თქვენს მიერ ახალი თაობის გაზრდისა. დღეს მე ვულოცავ ყველა იმ ადამიანს, რომელიც ქვეყნის ხელისუფლების სახელით ქმნის ყველა პირობას, რომ განათლების სისტემა იყოს პრიორიტეტული და წარმოჩინებული და რაც მთავარია, დიდი მადლობა ჩვენს პარტნიორებს, რომლებიც ჩვენს ქვეყანას ხედავენ ამ პოტენციალის მიმტანად იმ სივრცისკენ, სადაც თავს იყრიან ღირსეული სუვერენული, დამოუკიდებელი და განათლებული საზოგადოებები და ქვეყნები", - განაცხადა ლადო კახაძემ.

საზეიმო ღონისძიების სტუმრებს ასევე მიმართა თბილისის სახელმწიფო სამედიცინო უნივერსიტეტის რექტორმა ზურაბ ვადაჭკორიამ.

2023-2024 სასწავლო წლის დაწყებისადმი მიძღვნილ საზეიმო ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები, მსოფლიოს სხვადასხვა წამყვანი უნივერსიტეტებიდან მოწვეული პროფესორები, აკადემიური წრეების წარმომადგენლები და სტუდენტები ესწრებოდნენ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი