დედაქალაქში, წელს აკუსტიკური ხმაურის გადამეტების ფაქტზე 433 ოქმი შედგა - დაკისრებულმა ჯარიმამ კი ჯამში, 151 300 ლარი შეადგინა

თბილისში, 8 თვეში, აკუსტიკური ხმაურის გადამეტების ფაქტზე, 433 ოქმი შედგა, დაკისრებულმა ჯარიმამ კი ჯამში, 151 300 ლარი შეადგინა. ამის შესახებ „ინტერპრესნიუსს“ თბილისის მერიის მუნიციპალური ინსპექციიდან საჯარო ინფორმაციის გამოთხოვის საფუძველზე აცნობეს.

მათივე ცნობით, მიმდინარე წლის 1-ელი იანვრიდან 1-ელ სექტემბრამდე, დღის ან ღამის საათებში საცხოვრებელ სახლში, კერძო საკუთრებაში არსებული უძრავი ქონების ან საზოგადოებრივი/საჯარო დაწესებულების შენობაში აკუსტიკური ხმაურის დასაშვები ნორმების გადამეტების ფაქტზე, 84 გაფრთხილება გაიცა. ერთი წლის განმავლობაში განმეორებითი ქმედების გამო კი 13 ფიზიკური პირი და 125 იურიდიული პირი დაჯარიმდა. ამასთან, ერთი წლის განმავლობაში ქმედების მესამედ გამეორების გამო საჯარიმო სანქცია 125 ფიზიკური პირსა და 86 იურიდიული პირს დაეკისრა.

„N398-ე დადგენილების "ტექნიკური რეგლამენტი – საცხოვრებელი სახლებისა და საზოგადოებრივი/საჯარო დაწესებულებების შენობების სათავსებში და ტერიტორიებზე აკუსტიკური ხმაურის ნორმების შესახებ" შესაბამისად, მუნიციპალური ინსპექციის მონიტორინგის სამმართველოს აკუსტიკური ხმაურის კონტროლის განყოფილების ზედამხედველობის შესაბამისად, 2023 წლის 1-ელი იანვრიდან 1-ელ სექტემბრამდე პერიოდში, შედგენილია ადმინისტრაციული საჯარიმო ოქმები: 771 მუხლის I ნაწილით - 84 ოქმი (გაფრთხილება); 771 მუხლის II ნაწილით - 13 ოქმი ( ფიზ. პირი 150 ლარი), 125 ოქმი (იურიდიული პირი 300 ლარი); 771 მუხლის III ნაწილით - 125 ოქმი (ფიზ. პირი 500 ლარი), 86 ოქმი (იურიდიული პირი 1000 ლარი). აღნიშნულთან დაკავშირებით თანხა ჯამში შეადგენს 151 300 ლარს,“ - აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი