პარტია „საქართველოსთვის“ შოვის ტრაგედიასთან დაკავშირებით საგამოძიებო კომისიის შექმნას მხარს დაუჭერს, თუმცა კომისიის შემადგენლობაში არ იქნება

პარტია „საქართველოსთვის“ დეპუტატები შოვის ტრაგედიასთან დაკავშირებით პარლამენტში, საგამოძიებო კომისიის შექმნას მხარს დაუჭერენ, თუმცა კომისიის წევრების შემადგენლობაში ყოფნას არ აპირებენ.

ამის შესახებ დღეს გამართულ ბრიფინგზე პარტიის წევრმა შალვა კერესელიძემ განაცხადა.

„ჩვენი გუნდის პოზიცია პირველივე დღიდან გახლდათ, რომ შოვში დატრიალებული ტრაგედია არ უნდა გამხდარიყო პოლიტიკური სპეკულაციის საგანი. თუმცა, სამწუხაროდ, როგორც მოსალოდნელი იყო, ასეც მოხდა. ჩვენმა გუნდმა პირველივე დღიდან შოვში განვითარებული მოვლენების შესწავლა დაიწყო. შესაბამისი კითხვებით მივმართეთ ყველა შესაბამის უწყებებს, მათ შორის პრემიერ-მინისტრს, შს მინისტრს. ჩვენი გუნდის წევრები ტრაგედიის პირველივე დღიდან აქტიურად იყვნენ ჩართულები სამაშველო ოპერაციებში. სამწუხაროდ, შს მინისტრის ინტერპელაცია და ჩვენი გუნდის მიერ გაგზავნილ კითხვებზე კონსტიტუციის დარღვევით მიღებულმა პასუხებმა ნათელი გახადა, რომ ხელისუფლება მზად არ არის ადეკვატური პასუხი გასცეს მომხდარ სავარაუდო სამოხელეო გულგრილობას. „ოცნების“ ხელისუფლება მზად არ არის აიღოს პასუხისმგებლობა, რათა მომავალში მსგავსი ტრაგედიები თავიდან იქნას აცილებული. „ოცნებისა“ და „ნაციონალური მოძრაობის“ პირობებში, როდესაც ეს ორი დესტრუქციული ძალა ამ ტრაგედიის ერთმანეთის დასაზიანებლად და პოლიტიკური დივიდენდების მისაღებად გამოყენებას ცდილობს, საგამოძიებო კომისია ვერ იქნება ეფექტიანი მექანიზმი ჭეშმარიტების დასადგენად. თუმცა, ამის მიუხედავად, სანამ საზოგადოების ნაწილი, მათ შორის შოვის მოსახლეობის, ჯერ კიდევ ფიქრობს, რომ საგამოძიებო კომისიას შეუძლია პოზიტიური როლის შესრულება სიმართლის დადგენაში, ჩვენი საპარლამენტო გუნდი არ გახდება ბარიერი და კომისიის შექმნას მხარს დავუჭერთ. მაგრამ აქვე ხაზგასმით ვაცხადებთ, რომ კომისიის შექმნის შემთხვევაში, ჩვენი გუნდი კომისიის წევრის შემადგენლობაში არ ვიქნებით. მის საქმიანობაში მხოლოდ საექსპერტო, ადამიანური რესურსებით ან სხვა ფორმით მივიღებთ მონაწილეობას“, - განაცხადა კერესელიძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი