ლევან ხაბეიშვილი - 350 ათასზე მეტ პენსიონერს, ვისაც საპენსიო სესხის აქვს, ეს თანხა უნდა გაუნულდეთ და მამაკაცებში საპენსიო ასაკმა 65 წლიდან, 60 წლამდე დაიწიოს - მალე პენსიონერების ფორუმი გვექნება

ვხვდებით პენსიონერებს, საინიციატივო ჯგუფს, რომლებმაც, საბოლოოდ, ორ საკითხზე უნდა იმუშაონ - 350 ათასზე მეტ პენსიონერს საქართველოში, ვისაც საპენსიო სესხის აქვს, უნდა გაუნულდეთ და მამაკაცებში საპენსიო ასაკმა 65 წლიდან, 60 წლამდე დაიწიოს. ასევე, მალე პენსიონერების ფორუმი გვექნება, - ამის შესახებ „ერთიანი ნაციონალური მოძრაობის” თავმჯდომარემ, ლევან ხაბეიშვილმა განაცხადა.

როგორც პარტიის პრესსამსახურის მიერ გავრცელებულ ინფორმაციაშია აღნიშნული, ამ წუთებში, საქართველოს პარლამენტში, გამარჯვების პლატფორმის კამპანიის ფარგლებში, „ერთიანი ნაციონალური მოძრაობის“ თავმჯდომარე, ლევან ხაბეიშვილი და „სტრატეგია აღმაშენებლის“ თავმჯდომარე, გიორგი ვაშაძე, პენსიონერების საინიციატივო ჯგუფს ხვდებიან.

„ვხვდებით პენსიონერებს, საინიციატივო ჯგუფს, რომლებმაც, საბოლოოდ, უნდა იმუშაონ ამ ორ საკითხზე - ეს ეხება 350 ათასზე მეტ პენსიონერს საქართველოში, რომელთაც საპენსიო სესხი და ვალი უნდა გაუნულდეთ. ამ თემასთან დაკავშირებით, საინიციატივო ჯგუფთან დღეს შეხვედრა გვექნება. ასევე, მნიშვნელოვანია, რომ საპენსიო ასაკმა კაცებში 65 წლიდან, 60 წლამდე დაიწიოს. ამიტომ, საინიციატივო ჯგუფთან ერთად, რომლებიც დაკომპლექტებული იქნება პენსიონერებით, მათ შორის, საკანონმდებლო დონეზე, კონკრეტული ინიციატივები გვექნება, რომლებიც პენსიონერებისთვის საპენსიო სესხის ვალის გაუქმებასა და საპენსიო ასაკის დაწევას უკავშირდება. უახლოეს პერიოდში, საინიციატივო ჯგუფთან ერთად, პენსიონერების ფორუმის გამართვას ვაპირებთ, სადაც საზოგადოებას კონკრეტულ გადაწყვეტილებებს გავუზიარებთ“, - განაცხადა ლევან ხაბეიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024