„ტოიოტა ცენტრი თბილისი“ - „ტოიოტა ცენტრმა“, მზის ელექტროსადგურის ამოქმედებიდან 5 თვეში, ნახშირორჟანგის გარემოში გაფრქვევა 66 ტონით შეამცირა

„ტოიოტა ცენტრი თბილისის“ 280 კვტ.სთ სიმძლავრის მზის პანელების ელექტროსადგური, ექსპლუატაციაში შესვლიდან 5 თვის მანძილზე, მწვანე ენერგიას შეუფერხებლად გამოიმუშავებს და გარემოში ნახშირორჟანგის ემისიას ეფექტიანად ამცირებს. ამის შესახებ ინფორმაციას „ტოიოტა ცენტრი თბილისი“ ავრცელებს.

საქართველოში ტოიოტას პირველი ოფიციალური დილერის ცნობით, მზის ელექტროსადგურის ფუნქციონირების პარალელურად, სათავო ოფისის მთელ პერიმეტრზე მზის ენერგიაზე მომუშავე თვითდამუხტვადი სენსორული გარე განათებაც დამონტაჟდა. ორივე პროექტის ამოქმედებით, „ტოიოტა ცენტრი თბილისი“, წლის განმავლობაში, მიმდინარე ხარჯებს მნიშვნელოვნად შეამცირებს, დანაზოგს კი კომპანიის განვითარებისა და ეკომეგობრული პროექტების განხორციელებისკენ მიმართავს.

„ტოიოტა ცენტრი თბილისის“ მარკეტინგისა და საზოგადოებასთან ურთიერთობის მენეჯერის, თინათინ მაკარიძის ინფორმაციით, 280 კვტ.სთ სიმძლავრის მზის პანელების ელექტროსადგურმა, რომელიც ექსპლუატაციაში მიმდინარე წლის 27 აპრილიდან შევიდა, 5 თვის მანძილზე 165 000 კვტ.სთ-ზე მეტი მწვანე ენერგია გამოიმუშავა და ამასთან ერთად, CO2-ის ემისია 66,1 ტონით შეამცირა.

„ტოიოტა ცენტრ თბილისში“ AE SOLAR CO LTD-ის წარმოების სოლარ პანელებით 280 კვტ.სთ სიმძლავრის მზის ელექტროსადგურის სამონტაჟო სამუშაოები კომპანია OHM Energy-მ უზრუნველყო. ელექტროსადგური 27 აპრილიდან ამოქმედდა და მას შემდეგ შეუფერხებლად და ეფექტიანად გამოიმუშავებს მწვანე ენერგიას. 5 თვის მანძილზე მზის ელექტროსადგურმა, რომელიც „ტოიოტა ცენტრი თბილისის“ ენერგოქსელში ნეტოაღრიცხვის კვანძით არის ინტეგრირებული, 165 000 კვტ.სთ-ზე მეტი ენერგია გამოიმუშავა და რაც მთავარია, გარემოში ნახშირორჟანგის გაფრქვევა 66,1 ტონით შეამცირა. წინასწარი გაანგარიშებით, მზის პანელების ელექტროსადგური ერთი წლის განმავლობაში, დაახლოებით, 300 000 კვტ.სთ მწვანე ენერგიით მოგვამარაგებს, რითაც კომპანიას, წლიურად, დაახლოებით, 160 000 ლარს დაუზოგავს, CO2-ის ემისიას კი 130 ტონით შეამცირებს. ვფიქრობთ, ერთი კომპანიის პირობებში, ეს უდავოდ კარგი მაჩვენებელია“, - განმარტავს თინათინ მაკარიძე.

როგორც „ტოიოტა ცენტრი თბილისის“ მარკეტინგისა და საზოგადოებასთან ურთიერთობის მენეჯერი აღნიშნავს, მზის პანელების ელექტროსადგურისა და მზის ენერგიაზე მომუშავე თვითდამუხტვადი სენსორული გარე განათების მოწყობის გადაწყვეტილება „ტოიოტა ცენტრმა თბილისმა“ ისეთი პრიორიტეტული გარემოსდაცვითი ფაქტორების გათვალისწინებით მიიღო, როგორიცაა: განახლებადი ენერგიის გამოყენების გზით გარემოზე მავნე ზეგავლენის შემცირება, ნახშირორჟანგის გაფრქვევის მინიმიზაცია, ენერგოეფექტურობა და კომპანიის კუთვნილ სივრცეში ეკომეგობრული გარემოს შექმნა. თინათინ მაკარიძის თქმით, აღნიშნული პროექტების განხორციელებით, „ტოიოტა ცენტრი თბილისი“ სრულ თანხვედრაშია „ტოიოტა მოტორ კორპორაციის“ ფილოსოფიასთან, სოციალურ პასუხისმგებლობასა და გლობალურ გარემოსდაცვით გამოწვევებთან.

„ტოიოტა პირველი ავტომწარმოებელია, რომელმაც მიზნად დაისახა ექვსი გლობალური გარემოსდაცვითი გამოწვევა, რომლებიც 2050 წლამდე ეტაპობრივად უნდა შეასრულოს. ერთ-ერთი გამოწვევა CO2-ის ნულოვანი ემისიაა არა მხოლოდ წარმოების პროცესსა და ავტომობილის სრული საექსპლუატაციო პერიოდის განმავლობაში, არამედ ყველა იმ ოფიციალურ წარმომადგენლობასა და სივრცეში, რომლებიც სხვადასხვა ქვეყანაში ტოიოტას ქოლგის ქვეშ ფუნქციონირებს. ამ გამოწვევას ავტომწარმოებელი განახლებადი ენერგიისა და ინოვაციური ტექნოლოგიებით აღჭურვილი ენერგოეფექტური სისტემების გამოყენებით ახორციელებს, ზრუნავს გარემოს დაცვაზე, ეკომეგობრული წარმოების განვითარებასა და ბიომრავალფეროვნების შენარჩუნებაზე. „ტოიოტა ცენტრმა თბილისმა“ ეს გადაწყვეტილება სწორედ ტოიოტას გლობალური გარემოსდაცვითი გამოწვევების გათვალისწინებით მიიღო და განახორციელა 280 კვტ.სთ სიმძლავრის მზის პანელების ელექტროსადგურისა და მზის ენერგიაზე მომუშავე თვითდამუხტვადი გარე განათების დამონტაჟების პროექტები იმ მიზნით, რომ შეემცირებინა გარემოზე მავნე ზემოქმედება და ნახშირორჟანგის გაფრქვევა. უნდა აღინიშნოს ისიც, რომ მზის პანელების ელექტროსადგური, არის ენერგოეფექტური, ამცირებს CO2-ის ემისიას, არ გამოჰყოფს მხუთავ აირებს და არ აქვს რადიაციული გამოსხივება. შესაბამისად, არ აზიანებს გარემოს და სრულიად უსაფრთხოა გარშემომყოფთათვის. იგივე შეიძლება ითქვას მზის ენერგიაზე მომუშავე სენსორულ გარე განათებაზეც, რომელიც ჩვენი სათავო ოფისის მთელ პერიმეტრზე და შიდა ეზოშია განთავსებული“, - აღნიშნავს თინათინ მაკარიძე.

მისივე ინფორმაციით, „ტოიოტა ცენტრი თბილისი“ მომავალშიც აქტიურად გააგრძელებს ენერგოეფექტური პროექტების დანერგვას, რითაც გარემოზე მავნე ზემოქმედების შემცირებას უზრუნველყოფს, გარდა ამისა, ელექტროენერგიის მოხმარებაზე დაზოგილ თანხას კომპანიის ინფრასტრუქტურის განვითარებას, თანამშრომელთა მოტივაციის ამაღლებას, მათ პროფესიულ და კარიერულ ზრდას, სხვადასხვა სახის სემინარებისა თუ ტრენინგების ორგანიზებასა და ახალი გარემოსდაცვითი პროექტების შემუშავება-დანერგვას მოახმარს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი