გაეროს სახლში უფასო იურიდიული დახმარების მიმწოდებელთა ქსელის წევრთა შეხვედრა გაიმართა

გაეროს სახლში, გაეროს განვითარების პროგრამის UNDP მხარდაჭერით უფასო იურიდიული დახმარების მიმწოდებელთა ქსელის წევრთა შეხვედრა გაიმართა.

ამის შესახებ ინფორმაციას იურიდიული დახმარების სამსახური ავრცელებს.

მათივე ცნობით, შეხვედრის მიზანი იყო ახალი დებულების დამტკიცება და ქსელში ახალი ორგანიზაციების გაწევრება. ქსელის ახალ წევრებად დარეგისტრირდა ექვსი არასამთავრობო ორგანიზაცია და ხუთი საუნივერსიტეტო სამართლის კლინიკა.

„იურიდიული დახმარების მიმწოდებელთა ქსელი საქართველოში მოქმედ უფასო იურიდიული დახმარების მიმწოდებელ ორგანიზაციათა გაერთიანებაა, რომლის შემადგენლობაში შედის როგორც შესაბამისი უწყებები და საბიუჯეტო ორგანიზაციები, ისე არასამთავრობო სექტორისა და საუნივერსიტეტო კლინიკების წარმომადგენლები.

შეხვედრის მონაწილეებმა იმსჯელეს ქსელის მუშაობის გაუმჯობესების, ბენეფიციართა გადამისამართების ეფექტური მექანიზმის, ასევე, ისეთი ონლაინ-პლატფორმის შექმნის შესახებ, სადაც შესაძლებელი იქნება გამოცდილების ურთიერთგაზიარება, ქსელის წევრთა მუშაობის კოორდინაცია.

რეფერალური ქსელის თავმჯდომარე უწყება, უფასო სამართლებრივი დახმარების გამწევი ყველაზე მსხვილი ორგანიზაცია, არის იურიდიული დახმარების სამსახური, რომელიც წარმოდგენილია მისი დირექტორის დავით სიმონიას სახით. შეკრებაზე ქსელის თავმჯდომარის მოადგილედ ერთხმად აირჩიეს ივანე ჯავახიშვილის სახელობის თბილისის სახელმწიფო უნივერსიტეტის სამართლის კლინიკა და მისი ხელმძღვანელი ანა ხარაიშვილი.

აღსანიშნავია, რომ უფასო იურიდიული დახმარების მიმწოდებელთა ქსელი 2017 წელს ევროკავშირისა და გაეროს განვითარების პროგრამის UNDP ხელშეწყობით შეიქმნა. მასში დამფუძნებელი 10 ორგანიზაცია იყო გაწევრებული. ამჯერად მათი რიცხვი 21-მდე გაიზარდა”, - ნათქვამია ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი