ნათია თურნავა - ყველას მინდა მოვუწოდო, სათანადო პატივისცემით მოეკიდოს ეროვნული ბანკის საბჭოს ახალ წევრებს - როდესაც ჩემი და ჩემი კოლეგების კანდიდატურას არჩევდნენ, ბევრი მოკვლევა გაკეთდა, ვიმედოვნებ, რომ აქაც ანალოგიური სამუშაო იქნა გაწეული

ყველას მინდა მოვუწოდო, რომ სათანადო პატივისცემით მოეკიდოს ეროვნული ბანკის საბჭოს ახალ წევრებს , - ამის შესახებ ეროვნული ბანკის პრეზიდენტის მოვალეობის შემსრულებელმა, ნათია თურნავამ საბჭოს ახალი წევრების კვალიფიკაციასთან დაკავშირებით დასმული კითხვას საპასუხოდ განაცხადა.

მისივე თქმით, სებ-ის საბჭოს კანდიდატები პრეზიდენტის მიერ შეირჩევა და მას ამ თვალსაზრისით, საქართველოს პრეზიდენტის აპარატის კვალიფიკაციაში ეჭვი არ შეაქვს.

„როდესაც მაგალითად, ჩემი და ჩემი კოლეგების კანდიდატურას არჩევდნენ, საკმაოდ ბევრი მოკვლევა გაკეთდა, საკმაოდ ბევრი საბუთის მიტანა დაგვჭირდა და მე ვიმედოვნებ, რომ აქაც ალბათ, ანალოგიური სამუშაო იქნა გაწეული. მე ვერც ვიქნებოდი ამ საკითხში ჩართული და ვერც ვერავინ ეროვნული ბანკიდან, იმიტომ რომ ეს ჩვენ არ გვეხება და არც ყოფილა ჩვენთან რაიმე კომუნიკაცია. ასევე მიხარია, რომ ძალიან დროულად და განხილვის შემდეგ პარლამენტმაც დაამტკიცა ეს კანდიდატურები. მე მივესალმები მათ. მინდა მივულოცო ძალიან საჭირო მომენტში ეროვნული საბჭოს წევრობა და ყველას მინდა მოვუწოდო, რომ სათანადო პატივისცემით მოეკიდოს ეროვნული ბანკის საბჭოს ახალ წევრებს, იმიტომ რომ ეს არის ასევე ჩვენი ინსტიტუტის დამოუკიდებლობის ერთ-ერთი ნაწილი“, - განაცხადა ნათია თურნავამ.

ცნობისთვის, საქართველოს ეროვნული ბანკის საბჭოდან 3 წევრის წასვლის შემდეგ, 21 სექტემბერს, პარლამენტმა საბჭოს 2 ახალი წევრი - ნანა ყეინიშვილი და თეიმურაზ ხომერიკი აირჩია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024