გიგა ბოკერია - დისკუსიის მარაზმში ჩაგვითრიეს, თურმე, ჩვენი ქვეყნის პრობლემა საერთაშორისო ასპარეზზე ზურაბიშვილის სიარულია

დისკუსიის მარაზმში ჩაგვითრიეს, თურმე, ჩვენი ქვეყნის პრობლემა საერთაშორისო ასპარეზზე ზურაბიშვილის სიარულია, - ამის შესახებ ჟურნალისტებს “ევროპული საქართველოს" თავმჯდომარემ, გიგა ბოკერიამ განუცხადა.

მისივე თქმით, ახლა გამალებული მუშაობა ნატო-ში გაწევრიანებასა და ქვეყნის თავისუფლების დაცვაზე უნდა იყოს.

„ეს არის აბსურდი და ამ დისკუსიის მარაზმში ჩაგვითრიეს. თურმე, ჩვენი ქვეყნის პრობლემა საერთაშორისო ასპარეზზე ზურაბიშვილის სიარულია. ეს არის კიდევ ერთი მაგალითი იმის, თუ რაზე იხარჯება ამ ხელისუფლების რესურსი და შემდეგ საზოგადოების დებატების, იმის მაგივრად, რომ ახლა ნატო-ში გაწევრიანებასა და ჩვენი თავისუფლების დაცვაზე იყოს გამალებული მუშაობა. ზურაბიშვილს რაც შეეხება, სადაც მას აქვს მოვალეობები, იქ შეასრულოს, ფარცხალაძის საკითხში, ვიზიტებს ეს ხელს არ უშლის”, - განაცხადა გიგა ბოკერიამ.

ამასთან, გიგა ბოკერიამ, პარტიის სხვა წევრებთან ერთად, დღეს, აფხაზეთში დაღუპულთა მემორიალი გვირგვინით შეამკო.

მისივე ინფორმაციით, დღეს პარტიის ორგანიზებით პარლამენტთან სოხუმის დაცემის დღესთან დაკავშირებით წარმოდგენა გაიმართება.

„ჩვენ 20:00 საათზე, პარლამენტის წინ, გვექნება წარმოდგენა დამატებით იმ მონაცემების, რაც ღია წყაროების საშუალებით შეგცივდა. კონკრეტული სამხედრო დამნაშავეების, რუსეთის ოფიციალური შეიარაღებული ნაწილებიდან და იმ მტკიცებულებების, რომ ეს იყო გენოციდი და ეთნოწმენდა”, - აღნიშნა ბოკერიამ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად