გურამ იმნაძე - ფონიჭალის ხსენებაზე მოქალაქეების უმეტესობას ნარკოტიკების ასოციაცია უჩნდება - ფონიჭალის ფენომენი ძალიან საინტერესოა და მე რომ აკადემიურ საქმიანობას ვეწეოდე, საინტერესო კვლევების გაკეთება შეიძლებოდა

ფონიჭალის ხსენებაზე მოქალაქეების უმეტესობას ნარკოტიკების ასოციაცია უჩნდება. შეიძლება სახელმწიფომ იცის ეს პრობლემა სად, რა დოზით არსებობს და მას მაშინ აცოცხლებს, როცა ეს სჭირდება, - ამის შესახებ „ინტერპრესნიუსთან“ ინტერვიუში „სოციალური სამართლიანობის ცენტრის“ მართლმსაჯულების პროგრამის დირექტორმა გურამ იმნაძემ განუცხადა.

როგორც იმნაძე განმარტავს, ის, რომ ფონიჭალაში ნარკოტიკული დანაშაული ხდება, სარწმუნოა. როგორც იურისტი განმარტავს, როცა შინაგან საქმეთა სამინისტრო უკანონოდ ვაჭრობის დანაშაულზე მიუთითებს, წარმოუდგენელია ეს ტყუილი იყოს, რადგან მათ ეს "არაფერში აწყობთ".

„ფონიჭალის ფენომენი ძალიან საინტერესოა, მე რომ აკადემიურ საქმიანობას ვეწეოდე, დარწმუნებული ვარ, საინტერესო კვლევების გაკეთება შეიძლებოდა ფონიჭალაში არსებულ მდგომარეობაზე. ახალი ამბავი არ არის, წლებია, 90-იანი წლებიდან ეს პრობლემა დგას, ფონიჭალის ხსენებაზე მოქალაქეების უმეტესობას ნარკოტიკების ასოციაცია უჩნდებათ. ერთი მხრივ, კვირა თუ არა, თვე არ გავა, იქ სპეცოპერაცია არ ჩატარდეს. მეორე მხრივ, ფონიჭალის პრობლემა მაინც აგრძელებს არსებობას. შეიძლება შეთქმულების თეორიებში შესვლა ძალიან არასწორია, მაგრამ წარმოუდგენელია, სახელმწიფო, სამართალდამცავი უწყებების გარკვეული ნაწილის, შეიძლება დაბალ დონეზე, მაგრამ მათი ჩართულობის გარეშე ეს პრობლემა ასე განაგრძობდეს ფაქტობრივად, უწყვეტად არსებობას.

შეიძლება სახელმწიფომ იცის, რომ ეს პრობლემა არსებობს, სად არსებობს, რა დოზით და ამ პრობლემას მაშინ აცოცხლებს, როცა ეს სჭირდება. მაგალითად, ძალიან ხშირად იყო წინა წლებში შემთხვევები, როცა პოლიტიკური კრიზისი იყო, ან სამართალდამცავ ორგანოებში რაღაც ტიპის პრობლემები არსებობდა და სწორედ ამ დროს ვხედავდით რაღაც მასშტაბურ სპეცოპერაციას ფონიჭალაში, რომ თითქოს, მოქალაქეებისთვის ეჩვენებინათ, პოლიცია რაღაცას აკეთებდა, ეფექტიანად ებრძოდა დანაშაულს, ნარკოტიკული ნივთიერებებით ვაჭრობას. ჩემთვის ეს ასეთ აღქმას უფრო ტოვებს, მაგრამ ეს პერსონალური აღქმაა. ცხადია, ამის მიღმა რაიმე მტკიცებულება არ მაქვს, რომლითაც ამ ჩემს აღქმას დავასაბუთებ. თუმცა, ის მოცემულობა, რომელიც გვაქვს, რომ ფონიჭალაში, წლებია, ეს პრობლემა არსებობს და ძალიან ხშირად, იქ ჩატარებული სპეცოპერაციები ქვეყანაში მიმდინარე მძიმე პრობლემებს ემთხვევა, იმ აღქმას მიჩენს, რაზეც ვისაუბრე.

ნარკოტიკული დანაშაული ფონიჭალაში რომ ხდება, ეს სარწმუნოა. წარმოუდგენელია, როცა შინაგან საქმეთა სამინისტრო უკანონოდ ვაჭრობის დანაშაულზე მიუთითებს, ეს ტყუილი იყოს, არაფერში აწყობს პოლიციას ეს მოიგონოს და ასეთ დანაშაულზე სპექტაკლი დადგას, მაშინ როცა საქმეებში ბევრი მტკიცებულება არსებობს, ფაქტია, რომ ეს მოცემულობა არის“, - აცხადებს იმნაძე.

ინტერვიუს სრული ვერსია იხილეთ ბმულზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024