ოთარ შამუგია ENPARD-ის მმართველი კომიტეტის სხდომას დაესწრო

გარემოს დაცვისა და სოფლის მეურნეობის მინისტრი ოთარ შამუგია ევროკავშირის პროგრამის „სოფლის მეურნეობისა და სოფლის განვითარების ევროპის სამეზობლო პროგრამა“ (ENPARD) მმართველი კომიტეტის 32-ე სხდომას დაესწრო.

გარემოს დაცვისა და სოფლის მეურნეობის სამინისტროს ინფორმაციით, ოთარ შამუგიამ სოფლისა და სოფლის მეურნეობის განვითარების საქმეში მუდმივი მხარდაჭერისთვის ევროკავშირს მადლობა გადაუხადა.

„რეფორმების განხორციელების პროცესში საერთაშორისო პარტნიორებთან თანამშრომლობა და მათი მხარდაჭერა განსაკუთრებით მნიშვნელოვანია. სრულ მზაობას გამოვხატავთ თანამშრომლობისა და მეგობრობისთვის. დარწმუნებული ვარ, ერთად გაცილებით მეტ შედეგს მივაღწევთ საქართველოს საკეთილდღეოდ და იმ მიზნის მისაღწევად, რასაც ჩვენი ქვეყნის ევროკავშირში ინტეგრაცია ჰქვია. მოგეხსენებათ, საქართველო იმყოფება ისტორიული გადაწყვეტილების მოლოდინში ევროკავშირის მხრიდან. გასულ წელს, ჩვენს ქვეყანას მიენიჭა ევროპული პერსპექტივა, გაიცა 12 რეკომენდაცია, რომლის შესრულებაზეც, როგორც საქართველოს მთავრობა, ისე საქართველოს პარლამენტი აქტიურად მუშაობს. რეკომენდაციების შესასრულებლად ყველაფერი კეთდება. საქართველოს მთავრობა და ქართველი ხალხი უმნიშვნელოვანეს გადაწყვეტილებას ელოდება და ვიმედოვნებთ, რომ ეს გადაწყვეტილება დადებითი იქნება. რაც შეეხება ENPARD-ის IV ფაზის საბიუჯეტო კომპონენტის ფარგლებში შესრულებულ ვალდებულებებს, მიმდინარე წელს, ევროკომისიის მიერ დაქირავებული ექსპერტების მისიის ვიზიტი შედგა; შემფასებლებს ინფორმაცია მივაწოდეთ 2022 წლის ვალდებულებების შესრულებასთან დაკავშირებით. ვიმედოვნებთ, რომ შეფასება იქნება დადებითი. გარდა ამისა, დღის წესრიგში დგას 2023 წლის ვალდებულებების შესრულების მდგომარეობა, რაც ჩვენთვის პრიორიტეტულია და აქტიურად ვმუშაობთ, რომ ყველა უწყებამ, სააგენტომ თუ სამსახურმა დროულად შეასრულოს აღებული ვალდებულებები“, - განაცხადა ოთარ შამუგიამ.

შეხვედრაზე მინისტრმა ევროკავშირს მადლობა გადაუხადა სურსათის ეროვნულ სააგენტოში ხარისხის სისტემასთან დაკავშირებული ინდიკატორის შეცვლის თაობაზე გაცემულ თანხმობაზე და აღნიშნა, რომ სააგენტო აქტიურად მუშაობს აღნიშნული ინდიკატორის შესრულებაზე.

„ოთარ შამუგიამ ასევე ისაუბრა LEADER მიდგომასთან დაკავშირებულ საკითხებზე. როგორც მინისტრმა განაცხადა, 2023 წელს, სახელმწიფო ბიუჯეტიდან გამოიყო 1 მილიონი ლარი, UNDP-ის მხარდაჭერით შემუშავდა სახელმწიფო პროგრამის პროექტიც, რომელიც შეჯერდა ევროკომისიასთან.

ოთარ შამუგიამ ყურადღება გაამახვილა სოფლის განვითარების სააგენტოს ინსტიტუციურ რეფორმაზე, 2021-2023 წლების სამოქმედო გეგმის განხორციელების კუთხით არსებულ ვითარებასა და 2024-2027 წლების სამოქმედო გეგმის შემუშავების საკითხზე. მინისტრმა შეხვედრის მონაწილეებს ბოლო ერთი წლის განმავლობაში სოფლის მეურნეობისა და გარემოს დაცვის სფეროებში განხორციელებულ ცვლილებებზე, მიღწეულ პროგრესსა და სამომავლო გეგმებზეც მიაწოდა ინფორმაცია.

ევროკავშირის წარმომადგენლობის თანამშრომლობის განყოფილების ხელმძღვანელის, ნიკოლას სენდეროვიჩის განცხადებით, აღნიშნული პროგრამა საქართველოში ევროპული სტანდარტების დანერგვაში ევროკავშირის მხრიდან მხარდაჭერის ერთ-ერთი კარგი მაგალითია, რაც ძალიან მნიშვნელოვანი იქნება ევროკავშირისკენ მიმავალ გზაზე.

ENPARD-ის მმართველი კომიტეტის შეხვედრაში გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი მონაწილეობდა.

ENPARD-ის მმართველი კომიტეტის სხდომა გაერო-ს სურსათისა და სოფლის მეურნეობის ორგანიზაციის (FAO) მხარდაჭერით გაიმართა. ღონისძიებას გარემოს დაცვისა და სოფლის მეურნეობის მინისტრის მოადგილე კახა კაკაბაძე, სამინისტროს და მის სისტემაში შემავალი შესაბამისი უწყებების, ევროკავშირის წარმომადგენლობის, გაერო-ს სურსათისა და სოფლის მეურნეობის ორგანიზაციის (FAO), გაეროს განვითარების პროგრამის (UNDP), ჩეხეთის განვითარების სააგენტოს (CzDA), შვედეთის საერთაშორისო განვითარებისა და თანამშრომლობის სააგენტოს (SIDA) წარმომადგენლები ესწრებოდნენ“, - აღნიშნულია უწყების მიერ გავრცელებულ ინფორმაციაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი