მამუკა ყურაშვილი - საქართველოს ტერიტორიული მთლიანობა ყველა შემთხვევაში აღდგება - ქართველ კაცს აფხაზეთში საბოდიშო არაფერი ჩაუდენია, აქეთ უნდა მოუხადონ ქართველებს ბოდიში ეთნოწმენდისთვის და გენოციდისთვის

„ერთიანი ნაციონალური მოძრაობის“ ერთ-ერთი წევრის მამუკა ყურაშვილის განცხადებით, სოხუმის დაცემის დღე საქართველოსთვის ტრაგიკულია.

როგორც მან აღნიშნა, საჭიროა გმირების დაფასება, რადგან მათ საქართველოს ტერიტორიული მთლიანობისთვის იბრძოლეს.

„პირველ რიგში, ეს გმირები უნდა დავაფასოთ, ამ ადამიანებს საბოდიშოდ არ უომიათ, საქართველოს ტერიტორიული მთლიანობისთვის იომეს. საქართველოს ტერიტორიული მთლიანობა ყველა შემთხვევაში აღდგება. გეოპოლიტიკური მდგომარეობა იცვლება, ჩვენი გმირები უკრაინაში საქართველოს ტერიტორიული მთლიანობისთვის იბრძვიან. ასეთ ქვეყანას, სადაც ეს ხალხი არის დაბადებული და ნაომარი, ვერასდროს, ვერავინ რუსეთში ვერ შეიყვანს, ეს ყველამ უნდა იცოდეს. დღეს არის ტრაგიკული და ძალიან მძიმე დღე. 2008 წელმა კიდევ ერთხელ ზედმიწევნით დაამტკიცა, რა ხდებოდა 90-იან წლებში, 1991-92-93 წლებში, ეს იყო რუსეთთან ომი და გაფორმდა რუსულ-ქართული ომით 2008 წელს. 2008 წელმა გახადა მანტია ფაშისტურ ძალებს. დღეს რაც ხდება მთლიანად საქართველოში, იქნება ზუსტად იმაზე მიმართული, რომ ამ გმირების ნაომარი იქნება დაფასებული და დაფასება გამოვლინდება საქართველოს ტერიტორიული მთლიანობის აღდგენაში. საბოდიშო ქართველ კაცს აფხაზეთში არაფერი ჩაუდენია, აქეთ უნდა მოუხადონ ეთნოწმენდისთვის და გენოციდისთვის ქართველებს ბოდიში, ვისაც აქვს მოსახდელი. არც მე და არც დანარჩენ მეომრებს არ უომიათ იმისთვის, რომ ბოდიში მოეხადათ აფხაზეთში, არავისთან არაფერი საბოდიშო არ გვაქვს“, - განაცხადა მამუკა ყურაშვილმა, რომლის კომენტარსაც „ერთიანი ნაციონალური მოძრაობის“ პრესსამსახური ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024