პაატა დავითაია - სოხუმის დაცემიდან 30 წლის  შემდეგაც კი, სეპარატისტების არც ერთ ლიდერზე არ არის გაცემული სანქცია ჩვენი სახელმწიფოს და ხალხის წინაშე ჩადენილი სასტიკი დანაშაულებისთვის

27 სექტემბერი უმძიმესი დღეა ჩვენი ქვეყნისთვის. ყველას მინდა ვუთხრა, რომ ომი არ დამთავრებულა, ომი ჯერ კიდევ გრძელდება, რადგან ქვეყანა ოკუპაციის პირობებში ცხოვრობს, - ამის შესახებ „ევროპელი დემოკრატების“ თავმჯდომარემ, პაატა დავითაიამ განაცხადა.

მისი განმარტებით, ომი მაშინ დასრულდება, როდესაც საქართველო ტერიტორიულ მთლიანობას აღიდგენს და პასუხს აგებს ყველა, ვინც ქართული სახელმწიფოს წინააღმდეგ ასეთი სასტიკი დანაშაული ჩაიდინა.

„27 სექტემბერი მტკივნეული დღეა პირადად ჩემთვის. იმ უზარმაზარ ადამიანურ მსხვერპლს შორის, ვინც ამ ომს შეეწირა, ჩემი ოჯახის წევრებიც არიან. ჩვენ ყველაფერი უნდა გავაკეთოთ ქვეყნის ტერიტორიული მთლიანობის აღსადგენად, რათა პირნათელნი ვიყოთ იმ მებრძოლების წინაშე, ვინც გმირულად დადო თავი ქვეყნის ტერიტორიული მთლიანობისთვის.

საქართველო აუცილებლად აღადგენს ტერიტორიულ მთლიანობას. ვწუხვარ, რომ სოხუმის დაცემიდან 30 წლის შემდეგაც კი, სეპარატისტების არც ერთ ლიდერთან დაკავშირებით არ არის გაცემული სანქცია იმ დანაშაულებისთვის, რაც მათ ჩაიდინეს ქართველი ხალხის და სახელმწიფოს წინაშე, რათა მათ საერთაშორისო სამართლის ნორმებით პასუხისმგებლობა მოუწიოთ“, - განაცხადა პაატა დავითაიამ, რომლის კომენტარსაც „ევროპელი დემოკრატები“ ავრცელებს.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი