საგამოძიებო სამსახურის უფროსი სოსო რამიშვილი საქართველოში აკრედიტებული უცხო ქვეყნების საელჩოების წარმომადგენლებს შეხვდა

საგამოძიებო სამსახურის უფროსი სოსო რამიშვილი, უწყების სხვა ხელმძღვანელ პირებთან ერთად, ევროკავშირის მიერ დაფინანსებული პროექტის „საჯარო მმართველობის რეფორმის მხარდაჭერა საქართველოში“ ფარგლებში საქართველოში აკრედიტებული უცხო ქვეყნების საელჩოების წარმომადგენლებს შეხვდა.

ფინანსთა სამინისტროს საგამოძიებო სამსახურის ცნობით, სტუმრები გაეცნენ საგამოძიებო სამსახურის მიერ 2023 წელს მიღწეულ შედეგებს და უწყების ხედვას, როგორც სამომავლო განვითარების, ასევე თანამშრომელთა კვალიფიკაციის ამაღლების მიზნით უცხოელ კოლეგა-უწყებებთან მჭიდრო თანამშრომლობის ჭრილში.

„შეხვედრას ესწრებოდნენ სამსახურთან შექმნილი ე.წ. დიპლომატიური კლუბის მონაწილე აშშ-ს, პოლონეთის, ავსტრიის, იტალიის და ნიდერლანდების სამეფოს საელჩოების წარმომადგენლები. სოსო რამიშვილმა მოწვეულ სტუმრებს მადლობა გადაუხადა ხსენებულ ფორმატში აქტიური ჩართულობისა და საგამოძიებო სამსახურის თანამშრომლების პროფესიული განვითარების და უცხოურ კოლეგა უწყებებთან კომუნიკაციაში დახმარების მიმართულებით გაწეული თანადგომისთვის.

მხარეებმა ერთმანეთს გაუზიარეს შეხედულებები მომავალში ურთიერთთანამშრომლობის ძირითადი მიმართულებების თაობაზე“, - აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024