სავაჭრო პალატა პროექტს „ქალთა ეკონომიკური გაძლიერება ელექტრონული კომერციის მეშვეობით“ იწყებს
საქართველოს სავაჭრო პალატა, ამერიკის შეერთებული შტატების საელჩოს ფინანსური მხარდაჭერით, ახალ პროექტს „ქალთა ეკონომიკური გაძლიერება ელექტრონული კომერციის მეშვეობით“ იწყებს.
სავაჭრო პალატის ინფორმაციით, პროექტში მონაწილეობა შეუძლია ქალ მეწარმეებს ქვემო ქართლის, შიდა ქართლისა და კახეთის რეგიონებიდან.
მათივე ცნობით, შერჩეული მეწარმეები გაივლიან მათ საჭიროებებზე მორგებულ წარმატებული ბიზნესისთვის აუცილებელ ტრენინგებს-ბრენდინგის, გაყიდვების, მარკეტინგის, ელექტრონული კომერციისა და ციფრული მარკეტინგის მიმართულებით.
„მენტორინგის ფარგლებში მეწარმეებს შესაძლებლობა ექნებათ გაიარონ ინდივიდუალური კონსულტაციები. თეორიული ცოდნის პრაქტიკაში გამოყენების მიზნით მონაწილეებს გადაეცემათ სოციალურ ქსელებში რეკლამისთვის განკუთვნილი ფულადი ვაუჩერები , ასევე მეწარმეებს სრულიად უფასოდ დაუმზადდებათ მათ ბიზნეს საქმიანობაზე მორგებული ვებგვერდები, ჩაშენებული ელექტრონული გადახდების ფუნქციონალით“, - აღნიშნულია ინფორმაციაში.
პროექტში მონაწილეობის მისაღებად აუცილებელია რეგისტრაცია 2023 წლის 11 ოქტომბრამდე შემდეგ ბმულზე.
პროექტთან დაკავშირებით დეტალური ინფორმაციის გაცნობა სავაჭრო პალატის ოფიციალურ ვებგვერდზეა შესაძლებელი.
v-if="article.gallery" v-html="article.gallery"
