ევროპის განვითარებისა და რეკონსტრუქციის ბანკისა (EBRD) და „ვიანის“ ურთიერთთანამშრომლობის ფარგლებში, ექთნების პროფესიული განათლების გაღრმავებისთვის ქართულ ენაზე მძლავრი საექთნო სახელმძღვანელოები შეიქმნა. ინფორმაციას „ვიანი“ ავრცელებს.

მათივე ცნობით, სწავლის მსურველ ახალგაზრდებსა და უკვე დიპლომირებულ ექთნებს შესაძლებლობა აქვთ, საგანმანათლებლო მასალა ინტერნეტიდან (www.vian.health/ka/publications) ჩამოტვირთონ და მას სრულად უსასყიდლოდ გაეცნონ.

„პროექტის ფარგლებში ჯამში 16 მიმართულების სახელმძღვანელო და სწავლების დროს ექთანთა თვითშეფასების ტესტების ბანკი შეიქმნა. ექთნების პროფესიული განათლებისთვის შექმნილი ლიტერატურა V საფეხურის საექთნო საქმის სწავლებისათვის ყველა საჭირო სახელმძღვანელოს ფარავს.

26 სექტემბერს პროექტის დახურვის ცერემონია პანელური დისკუსიის ფორმატში ექთნებისთვის, პროფესიული კოლეჯისა და სამედიცინო წარმომადგენლებისთვის გაიმართა. ღონისძიებას ასევე ევროპის რეკონსტრუქციისა და განვითარების ბანკის (EBRD) კავკასიის რეგიონული დირექტორი, ალკის ვრიენიოს დრაკინოსი და „ვიანის“ დირექტორი, გიორგი მინდიაშვილი ესწრებოდა.

ქვეყანაში საექთნო პროფესიის გაძლიერება „ვიანისთვის“ ერთ-ერთი სტრატეგიული მიმართულებაა და საერთაშორისო პარტნიორების დახმარებით არაერთ მნიშვნელოვან ინვესტიციასა და პროექტს ახორციელებს. აღსანიშნავია „ვიანის“ აქტივობები საექთნო მიმართულებით, რომელიც კვალიფიკაციის უწყვეტ პროგრამაში ექთნების ჩართვას და მათთვის პაციენტის კმაყოფილებასთან დაკავშირებულ სამოტივაციო სისტემების შექმნას გულისხმობს,“ - აღნიშნულია ინფორმაციაში.