თბილისი „მდგრადი სასურსათო სისტემების შესახებ“ ევროკავშირის საერთაშორისო რეგიონულ კონფერენციას მასპინძლობს

კონფერენცია, რომელსაც ევროკავშირის წევრობის კანდიდატი ქვეყნების წარმომადგენლები ესწრებიან, გარემოს დაცვისა და სოფლის მეურნეობის მინისტრის პირველმა მოადგილემ, ნინო თანდილაშვილმა გახსნა.

ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, სიტყვით გამოსვლისას, ნინო თანდილაშვილმა ყურადღება საქართველოს მიერ ევროკავშირთან ასოცირების ხელშეკრულებით ნაკისრი ვალდებულებების შესრულებისა და სოფლის მეურნეობის სექტორში ევროკავშირის სტანდარტებისა და მოთხოვნების დანერგვის პროცესზე გაამახვილა.

„მნიშვნელოვანია, რომ დღეს, როდესაც ჩვენი ქვეყანა ელოდება ევროკავშირის კანდიდატის სტატუსის მიღებას და ჩვენ აქტიურად ვახორციელებთ რეფორმებს სოფლის მეურნეობის და სოფლის განვითარების მიმართულებით, საქართველოში, ევროკავშირისა და ევროკომისიის ორგანიზებით, ასეთი მასშტაბის კონფერენცია ტარდება. კონფერენცია ძალიან მნიშვნელოვანია თავისი შინაარსით ევროპასთან ინტეგრაციის გზაზე და ასევე, იმ საკითხების განსახილველად, რაც დღეს ჩვენ წინაშე დგას სოფლის მეურნეობასა და სოფლის განვითარებაში ევროკავშირთან აღებული ვალდებულებების დანერგვის თვალსაზრისით“, - აღნიშნა ნინო თანდილაშვილმა.

ინფორმაციის თანახმად, მიმდინარე ღონისძიების მიზანი მონაწილე ქვეყნებსა და მხარეებს შორის მდგრადი სასურსათო სისტემების შემუშავებისა და იმპლემენტაციის პროცესში თანამშრომლობის გაღრმავებაა.

„საქართველოს სურს, გახდეს ევროკავშირის წევრი, რაც ნიშნავს, რომ ჩვენ გვაქვს ძალიან ახლო კავშირი და თანამშრომლობა არაერთი მიმართულებით. მნიშვნელოვან პროგრესს ვხედავთ სურსათის უვნებლობისა და ცხოველთა კეთილდღეობის მიმართულებით. რაც შეეხება მდგრად სასურსათო სისტემებს, ეს არის ახალი გამოწვევა კლიმატური ცვლილებების პირობებში, რომლის შესახებაც ახლა ერთად ვსწავლობთ, ვმსჯელობთ. სწორედ ეს არის ამ ღონისძიების მიზანი, რომ გავცვალოთ ჩვენი ხედვები, ცოდნა, გამოცდილება, ერთად უნდა ვიმუშაოთ ჩვენი მიზნების განსაზღვრისა და შესრულებისთვის“, - განაცხადა ევროკომისიის საერთაშორისო ურთიერთობების ოფიცერმა, იან ბლუმენდალმა.

უწყების განმარტებით, კონფერენციაში ევროპის და ცენტრალური აზიის ევროკავშირის წევრობის კანდიდატი ქვეყნების სახელმწიფო და კერძო სექტორის წარმომადგენლები მონაწილეობენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024