საქართველო 2024 წელს „საგანმანათლებლო მიღწევების შეფასების საერთაშორისო ასოციაციის“ მიერ ორგანიზებულ გენერალურ ასამბლეის მასპინძელი ქვეყანა იქნება

საქართველო 2024 წელს „საგანმანათლებლო მიღწევების შეფასების საერთაშორისო ასოციაციის“ (IEA) მიერ ორგანიზებულ გენერალურ ასამბლეის მასპინძელი ქვეყანა იქნება.

შეფასებისა და გამოცდების ეროვნული ცენტრის ინფორმაციით, საგანმანათლებლო მიღწევების შეფასების საერთაშორისო ასოციაციის (IEA) რიგით 64-ე გენერალური ასამბლეა საფრანგეთში იმართება, რომელშიც 60 ქვეყნის 120 წარმომადგენელი მონაწილეობს.

„ვერსალში გამართულ შეხვედრაზე შეფასებისა და გამოცდების ეროვნული ცენტრის დირექტორმა სოფიო გორგოძემ საქართველოს, როგორც მომავალი მასპინძელი ქვეყნის შესახებ პრეზენტაცია წარადგინა.

საგანმანათლებლო მიღწევების შეფასების საერთაშორისო ასოციაციის (IEA) მიერ ორგანიზებული გენერალური ასამბლეა არის საგანმანათლებლო სფეროსთვის უმნიშვნელოვანესი მოვლენა. მასში მონაწილეობას საგანმანათლებლო სფეროში მომუშავე დელეგატები - დარგის საუკეთესო სპეციალისტები და განათლების პოლიტიკის შემქმნელები იღებენ.

საგანმანათლებლო მიღწევების შეფასების საერთაშორისო ასოციაცია 1959 წელს შეიქმნა. მისი მიზანია მსოფლიოს სხვადასხვა ქვეყნის განათლების სფეროში შედარებითი კვლევების წარმოება სწავლისა და სწავლების დონის გაუმჯობესების მიზნით. საერთაშორისო კვლევა საშუალებას იძლევა, მონაწილე ქვეყნებმა შეადარონ მოსწავლეთა მიღწევების დონე საერთაშორისო სტანდარტებს, გააანალიზონ, თუ რა ზეგავლენას ახდენს სხვადასხვა საგანმანათლებლო სისტემაში არსებული პოლიტიკა, სასწავლო გეგმები, სწავლების მეთოდიკა თუ საგანმანათლებლო რესურსები მოსწავლეთა მიღწევებზე.

შეფასებისა და გამოცდების ეროვნული ცენტრის დირექტორი სოფიო გორგოძე ასოციაციის მუდმივმოქმედი კომისიის წევრია. მუდმივმოქმედი საბჭო იძლევა რეკომენდაციებს ახალი წევრების არჩევასა და ახალი საგანმანათლებლო კვლევების დაგეგმვის თაობაზე“ - ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024