მიხეილ სარჯველაძემ ადამიანის უფლებათა კომიტეტის სხდომაზე ხატია დეკანოიძის მიერ კითხვის დასმას „ხულიგნობა“ უწოდა და ოპოზიციონერ დეპუტატს მიმართა, რომ „ლავროვი როცა უჭირთ, „პადაჩას“ აწვდის“

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე, სადაც ფინანსთა მინისტრის მოადგილე გიორგი კაკაურიძემ საქართველოს 2023 წლის სახელმწიფო ბიუჯეტის შესრულების 6 თვის მიმოხილვა წარადგინა, ხმაური იყო.

სიტყვიერი დაპირისპირება კომიტეტის თავმჯდომარე მიხეილ სარჯველაძესა და საპარლამენტო პოლიტიკური ჯგუფის „ევროოპტიმისტების“ წევრ ხატია დეკანოიძეს შორის მოხდა. შელაპარაკება მას შემდეგ დაიწყო, რაც დეკანოიძემ მომხსენებელს კითხვა საერთაშორისო სავალუტო ფონდის პროექტის შეწყვეტაზე დაუსვა.

ასევე, მან რუსეთ-საქართველოს შორის ფრენების განახლების თაობაზე რუსეთის საგარეო საქმეთა მინისტრის, სერგეი ლავროვის განცხადების ციტირება მოახდინა და განაცხადა, რომ „ლავროვმა „ჩაუშვა“ საქართველოს ხელისუფლება, რომ ფრენებთან დაკავშირებით მასთან პირდაპირი მოლაპარაკებები ჰქონდათ“.

სარჯველაძემ დეკანოიძეს გამოსვლა შეაწყვეტინა და უთხრა, რომ განსახილველ საკითხთან მიმართებით მისი კითხვა უადგილოა, რაზეც დეკანოიძემ ასე უპასუხა: „კითხვა იმიტომ შემაწყვეტინეთ, რომ ლავროვის განცხადება არ მოგეწონათ“.

„ჩემი კითხვა ეხება საერთაშორისო სავალუტო ფონდის მისიის პროგრამის შეწყვეტას. ზოგ საკითხში ტექნიკური პარამეტრებით საუბრობთ, ზოგზე პოლიტიკური განცხადებებით შემოიფარგლებით, მაგრამ ეს საკითხი ძალიან მნიშვნელოვანია. წაგიკითხავთ ლავროვის ბოლო განცხადებას, „როდესაც დავინახეთ, რომ თბილისის ამჟამინდელი ხელისუფლება დაინტერესებულია ურთიერთობების ნორმალიზებით, ჩვენ შევთანხმდით ბატონი ღარიბაშვილის მთავრობასთან ფრენების განახლებაზე“. რუსეთის ხელისუფლება პირდაპირ საუბრობს თქვენს ხელისუფლებასთან, როდესაც ამას ვამტკიცებთ, თქვენ ამბობთ, რომ ეს ტყუილია. ამ ფონზე, სებ-ის გადაწყვეტილება ეროვნული უსაფრთხოების წინააღმდეგ იყო მიმართული“, - განაცხადა დეკანოიძემ.

რაც შეეხება სარჯველაძის განცხადებას, მან დეკანოიძეს მიმართა, რომ ის, რასაც აკეთებს, „ხულიგნობაა და სასაცილოდ გამოიყურება“. მისივე თქმით, როდესაც ოპოზიციას არგუმენტები ელევა, „ლავროვი მათ „პადაჩას“ აწვდის“.

„გადროვეთ, მიუხედავად იმისა, რომ უადგილოდ დასმული კითხვაა. საკუთარ თავს ამხელთ. აღმოჩნდება ხოლმე, რომ თქვენ და ლავროვი ერთი და იმავეს საუბრობს. უნისონშია თქვენი და ლავროვის განცხადება. ეს პროექტი პოზიტიური ცვლილებაა და გინდათ, რომ საზოგადოების ყურადღება სრულიად სხვა საკითხზე გადაიტანოთ. „პადაჩებს“ გაწვდით ლავროვი. სადაც გიჭირთ დასაბუთებაში, ყველგან ლავროვი გეხმარებათ“, - განაცხადა სარჯველაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი