ქეთევან თურაზაშვილი - ბანკს ორნაირი სქემა აქვს შემუშავებული პენსიონერების გასაძარცვად

ბანკს ორნაირი სქემა აქვს შემუშავებული პენსიონერების გასაძარცვად, - ამის შესახებ პოლიტიკური ჯგუფის, ,,მოქალაქეების“ დეპუტატმა, ქეთევან თურაზაშვილმა განაცხადა.

მან განათლებისა და მეცნიერების კომიტეტის სხდომაზე ფინანსთა მინისტრის მოადგილეს, გიორგი კაკაურიძეს მიმართა და აღნიშნა, რომ სამინისტრო უნდა დაინტერესდეს, პენსიონერებისთვის გამოყოფილი თანხა აღწევს თუ არა ადრესატებამდე.

„თქვენ ჩემზე უკეთესად უწყით, რამხელა თანხაა გათვალისწინებული საპენსიო სესხების გასაცემად და რა თანხას ურიცხავთ თქვენ „ლიბერთი ბანკს“, მაგრამ მე ვურჩევ ფინანსთა სამინისტროს, რომ იმითიც დაინტერესდეს, თქვენს მიერ განსაზღვრული თანხა აღწევს თუ არა პენსიონერებამდე, რადგან „ლიბერთი ბანკს“ ორნაირი სქემა აქვს შემუშავებული, თუ როგორ გაძარცვონ პენსიონერები. ძალიან გთხოვთ, დაინტერესდით, გარდა იმისა, რომ თანხა დიდია გათვალისწინებული, აღწევს თუ არა ეს თანხა ადრესატებამდე“, - განაცხადა ქეთევან თურაზაშვილმა.

როგორც დეპუტატმა მოგვიანებით ჟურნალისტებთან საუბრისას განაცხადა, მას უამრავი პენსიონერი უკავშირდება და საპენსიო სესხებთან დაკავშირებით უკმაყოფილებას გამოხატავს. მისივე თქმით, პენსიონერების დასახმარებლად ხვალ იგეგმება შეხვედრა.

აღნიშნულ ინფორმაციას პარტია „მოქალაქეები“ ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024