პრემიერი სტუდენტებისთვის დავალიანების ჩამოწერაზე -  მინდა, მადლობა გადავუხადო ყველა უნივერსიტეტს, რომელიც ჩაერთო ამ ინიციატივაში

მინდა საზოგადოებამ იცოდეს, ყველაზე მეტს ვინც ხმაურობდა, „ნაციონალური მოძრაობა“ და ოპოზიცია, რომ თითქოს, სტუდენტების ბედი ძალიან აღელვებდათ, სააკაშვილის დედის უნივერსიტეტმა უარი გვითხრა, რომ სტუდენტებისთვის დავალიანება ჩამოეწერათ,- ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებთან საუბრისას განაცხადა.

მისივე განმარტებით, ზემოაღნიშნულით დადასტურდა, რომ ოპოზიცია ადამიანებს და სტუდენტებს „საკუთარი ბინძური პოლიტიკური ინტერესების მისაღწევად, ინსტრუმენტად იყენებს“.

„ეს თემა წლების განმავლობაში მოუგვარებელი იყო. მანამდეც ბევრი დისკუსია იყო ამ თემაზე. მოვიკითხე, აღნიშნული, მანამდეც დაწყებული მქონდა მოკითხვა, მანამ ეს საკითხი გახდებოდა ცნობილი. ეს პრობლემა განათლების მინისტრს დავამუშავებინე. გამოიკვეთა, რომ 30 ათასამდე სტუდენტს ფინანსური დავალიანების გამო, სტატუსი ჰქონდა შეჩერებული. ეს იყო დაახლოებით, 40 მილიონი ლარის დავალიანება. მინისტრებს დავავალე, რომ სასწრაფოდ გამოენახათ გამოსავალი. მათ შეხვედრები გამართეს და მინდა, მადლობა გადავუხადო ყველა უნივერსიტეტს, რომელიც ჩაერთო ამ ინიციატივაში. მათ სტუდენტებს ჩამოაწერეს და გაუნულეს დავალიანება. რა თქმა უნდა, შევთავაზეთ, პირდაპირ არჩევანი დავუყენეთ, რომ შეუძლიათ [სტუდენტებს] ან ჩამოაწერონ ან არა. არ ჩამოწერის შემთხვევაში, რა თქმა უნდა, შევიძენდით ამ დავალიანების პორტფელს, ასე ვთქვათ. ასეც მოხდა რამდენიმე კერძო უნივერსიტეტის შემთხვევაში. რაც ყველაზე საინტერესოა, რაც მინდა საზოგადოებამ იცოდეს, ყველაზე მეტს ვინც ხმაურობდა, „ნაციონალური მოძრაობა“ და ოპოზიცია, რომ თითქოს, სტუდენტების ბედი ძალიან აღელვებდათ, სააკაშვილის დედის უნივერსიტეტმა უარი გვითხრა, რომ სტუდენტებისთვის დავალიანება ჩამოეწერათ. ეს ერთი. მეორე ბატონი ბენდუქიძის უნივერსიტეტი იყო. მხოლოდ ორმა უნივერსიტეტმა გვითხრა უარი დავალიანების განულებაზე. რა თქმა უნდა, მათ შევთავაზებთ, რომ ამ დავალიანებას ვიყიდით და ჩვენ ჩამოვაწერთ, ავუნაზღაურებთ. სხვა ყველა ჩაერთო ამ პროგრამაში. ამაშიც გამოჩნდა როგორ ზრუნავენ ისინი სტუდენტებზე. კიდევ ერთხელ დადასტურდა, რომ ეს კამპანია აბსოლუტურად ყალბი იყო. ისევე, როგორც თქვენ, სხვა ადამიანებს, სტუდენტებს, საკუთარი ბინძური პოლიტიკური ინტერესების მისაღწევად, ინსტრუმენტად იყენებენ. თავად თქვეს უარი ჩამოწერაზე“,- განაცხადა ირაკლი ღარიბაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024