ჯაბა სამუშია საქართველოში ირანის ისლამური რესპუბლიკის ელჩს შეხვდა

ივანე ჯავახიშვილის სახელობის თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ირანის ისლამური რესპუბლიკის საგანგებო და სრულუფლებიან ელჩს საქართველოში მაჰმუდ ადიბსა და საელჩოს წარმომადგენლებს უმასპინძლა.

თსუ-ს ცნობით, შეხვედრაზე საუბარი ქართულ-ირანულ ურთიერთობებს ისტორიულ კონტექსტში, ასევე, ორი ქვეყნის უნივერსიტეტებს შორის საერთო საგანმანათლებლო პროექტებისა და გაცვლითი პროგრამების შესაძლებლობებს შეეხო.

თსუ რექტორის თქმით, უნივერსიტეტი განსაკუთრებულად ზრუნავს ირანული ენის, ისტორიისა და კულტურის შესწავლასა და განვითარებაზე საქართველოში.

„ჩვენ ძალიან დიდი ინტერესი გვაქვს, რომ ის ურთიერთობები, რომელიც დიდი ხნის წინ დაიწყო ჩვენ ქვეყნებს შორის, კიდევ უფრო გაღრმავდეს. ჩვენი უნივერსიტეტი ხელს უწყობს ირანისტიკის მიმართულების განვითარებას; ვზრდით თაობას, რომელიც დაინტერესებულია ირანის ისტორიის, კულტურისა და ენის შესწავლით. გვსურს, გაცვლითი პროგრამების გაძლიერებით, რომ კიდევ უფრო გაღრმავდეს ჩვენს ქვეყნებს შორის თანამშრომლობა აკადემიური კუთხით“, - განაცხადა ჯაბა სამუშიამ.

ინფორმაციის თანახმად, თავის მხრივ, ირანის ისლამური რესპუბლიკის ელჩმა საქართველოში მაჰმუდ ადიბმა იმ ისტორიულ გამოცდილებაზე გაამახვილა ყურადღება, რომელიც ქართულ და ირანულ საგანმანათლებლო დაწესებულებებს შორის არსებობს.

ელჩმა გამოთქვა სურვილი, რომ კიდევ უფრო მეტ სტუდენტსა და პროფესორ-მასწავლებელს მიეცეს შესაძლებლობა გაცვლითი პროგრამების საშუალებით გაიღრმაოს ცოდნა.

„ძალიან ვაფასებთ იმ ინტერესსა და სამეცნიერო საქმიანობას, რომელიც ირანული კულტურისა და სპარსული ენის შესწავლის მიმართულებით მიმდინარეობს თბილისის სახელმწიფო უნივერსიტეტში. ძალიან ბევრი თქვენი კურსდამთავრებულია დასაქმებული ჩვენთან საელჩოში, სხვადასხვა პოზიციაზე და ამ ტრადიციას აუცილებლად გავაგრძელებთ. ასევე, გვსურს თანამშრომლობის გაღრმავების მიზნით, შევიმუშაოთ გრძელვადიანი გაცვლითი პროგრამები სამივე საფეხურის სტუდენტებისთვის, მეცნიერებისა და პროფესორებისთვის“, -აღნიშნა მაჰმუდ ადიბმა.

მათივე ცნობით, შეხვედრაზე გადაწყდა, რომ თსუ-სა და ირანის ისლამური რესპუბლიკის წამყვან უნივერსიტეტებს შორის ერთობლივი საგანმანათლებლო და კვლევითი საქმიანობისთვის ურთიერთთანამშრომლობის მემორანდუმი გაფორმდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024