საზაფხულო სკოლა საერთაშორისო სისხლის სამართლის მართლმსაჯულების თემაზე

საქართველოს საკონსტიტუციო სასამართლო საერთაშორისო სისხლის სამართლის თემაზე საზაფხულო სკოლას მასპინძლობს.

ამის შესახებ ინფორმაციას საკონსტიტუციო სასამართლოს პრესსამსახური ავრცელებს.

მათივე ცნობით, ღონისძიების ფარგლებში საქართველოს სხვადასხვა უნივერსიტეტის იურიდიული ფაკულტეტის სტუდენტებს აქვთ შესაძლებლობა, გაიარონ საერთაშორისო სისხლის სამართლის სალექციო კურსი ქართველი და უცხოელი პროფესორებს ხელმძღვანელობით, უშუალოდ დარგის ექსპერტებთან, სისხლის სამართლის საერთაშორისო სასამართლოს რომის წესდების მოლაპარაკებებში ჩართულ პირებთან ერთად იმსჯელონ სისხლის სამართლის საერთაშორისო მართლმსაჯულების განვითარების საკითხებზე და ამ მიმართებით საქართველოს გამოცდილებაზე.

„საზაფხულო სკოლა საკონსტიტუციო სასამართლოს თავმჯდომარე მერაბ ტურავას სალექციო სესიით დაიწყო. მან დამსწრე აუდიტორიას სისხლის სამართლის საერთაშორისო სასამართლოს რომის წესდების შემუშავების, შინაარსისა და რატიფიკაციის სამართლებრივი თავისებურებების შესახებ საქართველოს მაგალითზე ესაუბრა.

ღონისძიება ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის შედარებითი და ტრანსნაციონალური სისხლის სამართლის ინსტიტუტის, ფოლკსვაგენის სამეცნიერო ფონდის მხარდაჭერით, საქართველოს საკონსტიტუციო სასამართლოსთან, ფრიდრიხ შილერის სახელობის იენის, ბერლინის ჰუმბოლდტის, მარბურგის ფილიპეს სახელობის უნივერსიტეტების იურიდიულ ფაკულტეტებსა და ბილეფელდის უნივერსიტეტის სოციოლოგიის ფაკულტეტთან ერთად ხორციელდება.

საზაფხულო სკოლის მიზანია საზოგადოებაში, განსაკუთრებით, სტუდენტებსა და ახალგაზრდა მკვლევარებში გააღრმაოს ცოდნა და დაინტერესება საერთაშორისო სისხლის სამართლის დოქტრინისა და მართლმსაჯულების, კერძოდ, სისხლის სამართლის საერთაშორისო სასამართლოების პრაქტიკის მიმართ.

საზაფხულო სკოლა 30 სექტემბერს დასრულდება”, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024