თამარ გაბუნიას განცხადებით, ონკოლოგიური დაავადების მქონე ბავშვებთა პროგრამის ფარგლებში, უცხოეთის კლინიკებში რამდენიმე ბავშვი უკვე მკურნალობს

ონკოლოგიური დაავადების მქონე ბავშვებთა პროგრამის ფარგლებში, უცხოეთის კლინიკებში რამდენიმე ბავშვი უკვე მკურნალობს. ამის შესახებ „ინტერპრესნიუსს“ ჯანდაცვის მინისტრის მოადგილე თამარ გაბუნიამ განუცხადა.

„ონკოლოგიური დაავადებების მქონე ბავშვების მკურნალობის პროგრამა უკვე მოქმედებს. რამდენიმე ბავშვი უცხოეთის კლინიკებში უკვე მკურნალობს. აქ არის სამი ქვეყანა: ისრაელი, ესპანეთი და თურქეთი. ბიუჯეტი ფარავს ბავშვების საჭიროებას. საყოველთაო ჯანდაცვის პროგრამის ფარგლებში რაც იქნება საჭიროება, ეს ბიუჯეტი დაფარავს და რაც იქნება ხარჯები, წლის ბოლოს გვექნება მისი გაანალიზების შესაძლებლობა“, - განაცხადა გაბუნიამ.

ცნობისთვის, მთავრობის გადაწყვეტილებით, ონკოლოგიური დიაგნოზის მქონე ბავშვების მკურნალობას სახელმწიფო სრულად დაფარავს, ამისთვის კი, პრემიერ-მინისტრის განცხადებით, წელიწადში, დაახლოებით 30 მილიონი ლარი გამოიყოფა. 18 წლამდე ონკოლოგიური დიაგნოზის მქონე ბავშვების სამკურნალოდ, უცხოეთის წამყვან კლინიკებში, სახელმწიფო დაფინანსების მისაღებად, განაცხადების მიღება 24 ივლისს დაიწყო.

პროგრამის პარტნიორი კლინიკებია: თურქეთის „ანადოლუს სამედიცინო ცენტრი“, ესპანეთის „ქირონ სალუდის სამედიცინო ცენტრი“ და ისრაელის „იხილოვის სამედიცინო ცენტრი“. პაკეტი მოიცავს დიაგნოსტიკასა და სტანდარტული მკურნალობის კურსს: ქიმიოთერაპიას, სხივურ თერაპიას, ოპერაციულ ჩარევას. ასევე - პროტონოთერაპიას, პაციენტის საჭიროებებიდან გამომდინარე.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი