ახალი, თანამედროვე ტურნიკეტები მეტროსადგურ „ისანში“ უკვე დამონტაჟდა და უახლოეს მომავალში კი, „ახმეტელზე“, „დიდუბეში“ და „ვარკეთილში“ დამონტაჟდება

სატრანსპორტო კომპანიის მარკეტინგის მენეჯერის, თამაზ რობაქიძის განცხადებით, ახალი და თანამედროვე ტურნიკეტები მეტროსადგურ „ისანში“ უკვე დამონტაჟდა და უახლოეს მომავალში, „ახმეტელზე“, „დიდუბეში“ და „ვარკეთილში“ დამონტაჟდება.

როგორც მან „ინტერპრესნიუსს“ განუცხადა, ძველი, მოხსნილი ტურნიკეტები „სადგურის მოედანი 2“-ში და უნივერსიტეტის მეტროსადგურებზე დამონტაჟდება.

„ამ ეტაპზე უკვე ახალი, თანამედროვე ტურნიკეტები მეტროსადგურ „ისანშია“ დანერგილი. უკვე მომზადებულია და უახლოეს დღეებში დამონტაჟდება სადგურ „ახმეტელზე“. დანარჩენი ტურნიკეტები ტენდერში გამარჯვებულ კომპანიას უკვე შემოტანილი აქვს, თუმცა ამ ეტაპზე, მათი დაპროგრამება და ტესტირება მიმდინარეობს. ეს ტურნიკეტები, როგორც კი დამონტაჟდება, მაშინვე ერთიან საგადასახადო სისტემაშიც უნდა ჩაჯდეს, რათა რაიმე შეფერხება არ მოხდეს. უახლოეს მომავალში, დანარჩენ სადგურებში - „დიდუბეში“ და „ვარკეთილში“ ახალი ტურნიკეტები ეტაპობრივად დამონტაჟება. ეს ძველი ტურნიკეტები, რაც ამ ადგილებში მოიხსნა, „სადგურის მოედანი 2“-ში და უნივერსიტეტის მეტროსადგურებზე დაყენდება, რითაც ძველი ტურნიკეტები ჩანაცვლდება“,- განაცხადა თამაზ რობაქიძემ.

ამასთან, თამაზ რობაქიძის განმარტებით, 12 მეტროსადგურის რეაბილიტაციის პროექტის ფარგლებში, ჯერჯერობით ცნობილი არაა, რომელი მეტროსადგურების რეაბილიტაცია განხორციელდება.

„ევროპის რეკონსტრუქციისა და განვითარების ბანკთან მოლაპარაკებები მიმდინარებს, რათა 12 მეტროსადგურის რეაბილიტაციის პროექტის განხორციელების პირობები შეთანხმდეს. კონკრეტულად, რომელი მეტროსადგურების რეაბილიტაცია განხორციელდება, ჯერ-ჯერობით ცნობილი არ არის. ეს დაზუსტდება მას შემდეგ, რაც კონცეპტუალური დიზაინი შემუშავდება, შემდეგ კი, რეაბილიტაციისთვის საჭირო დოკუმენტაცია მომზადდება“, - განაცხადა თამაზ რობაქიძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი