სპეციალური საგამოძიებო სამსახურის უფროსი, ბრიუსელში „წამების წინააღმდეგ ბრძოლის მსოფლიო ორგანიზაციის“  წარმომადგენლებს შეხვდა

სპეციალური საგამოძიებო სამსახურის უფროსი კოკა კაციტაძე, ბრიუსელში, ოფიციალური ვიზიტის ფარგლებში, „წამების წინააღმდეგ ბრძოლის მსოფლიო ორგანიზაციის“ (OMCT) წევრებს შეხვდა.

ამის შესახებ ინფორმაციას სპეციალური საგამოძიებო სამსახური ავრცელებს.

მათივე ცნობით, კოკა კაციტაძეს და სპეციალური საგამოძიებო სამსახურის წარმომადგენლებს რეგიონული პროგრამის კოორდინატორმა მაშა ჩიჩენკოვამ და ადამიანის უფლებათა მრჩეველმა ილვია ჰასანოვამ უმასპინძლეს.

„OMCT - არასამთავრობო ორგანიზაციების საერთაშორისო კოალიციაა, რომელიც წამებასა და არასათანადო მოპყრობის ფაქტებთან ბრძოლის მიზნით, 200 წევრ არასამთავრობო ორგანიზაციასთან ერთად მუშაობს.

„წამების წინააღმდეგ ბრძოლის მსოფლიო ორგანიზაცია“ (OMCT), წამების საწინააღმდეგო კომიტეტის (CPT) შეხვედრებისთვის ანგარიშების კოორდინაციას უზრუნველყოფს.

სამსახურის უფროსმა უფლებადამცველებს სპეციალური საგამოძიებო სამსახურის როლზე და მანდატზე მიაწოდა ინფორმაცია. შეხვედრაზე საუბარი შეეხო სამართალდამცავების მიერ ჩადენილ არასათანადო მოპყრობის ფაქტების, ადამიანის პირადი ცხოვრების საიდუმლოების ხელყოფის, ჟურნალისტურ საქმიანობაში ხელის შეშლისა და ადამიანის უფლებების და თავისუფლების წინააღმდეგ მიმართული სხვა ფაქტების გამოძიების და ამ პროცესში მსხვერპლთა ჩართულობის საკითხებს. ასევე, ყურადღება გამახვილდა სპეციალური საგამოძიებო სამსახურის ნაყოფიერ თანამშრომლობაზე უფლებადამცველ ორგანიზაციებთან.

„წამების წინააღმდეგ ბრძოლის მსოფლიო ორგანიზაციის“ წარმომადგენლებმა შეხვედრის მონაწილეებს, წამების, არასათანადო მოპყრობის, ძალადობის და დისკრიმინაციის ნიშნით ჩადენილი დანაშაულების გამოძიების თაობაზე, ორგანიზაციის მიერ დაგროვილი გამოცდილება გაუზიარეს და სამომავლო თანამშრომლობაზე მზადყოფნა გამოთქვეს“, - აღნიშნულია გავრცელებულ ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი