დიმიტრი ხუნდაძე - საქართველოს პრეზიდენტმა თავისი ვიზიტით ევროკავშირს კი არ დაგვაახლოვა, პირიქით დაგვაშორა

პრეზიდენტმა თავისი ანტიკონსტიტუციური ვიზიტით ახალი საბოტაჟი მოუმზადა საკუთარ ქვეყანას. საქართველოს ხელისუფლებას არ დაუმალავს და ყველამ კარგად იცის, რომ ჩვენ ყველა პოლიტიკურ სანქციას და ნაწილობრივ ეკონომიკურ სანქციებს შევუერთდით, - ამის შესახებ სოციალურ ქსელში „ხალხის ძალის“ ერთ-ერთი ლიდერი დიმიტრი ხუნდაძე წერს.

ხუნდაძის თქმით, საქართველო იქნება ევროპული ოჯახის წევრი ეროვნულ-დემოკრატიული ღირებულებებით და პრინციპებით.

„პრეზიდენტმა თავისი ვიზიტით ევროკავშირს კი არ დაგვაახლოვა, პირიქით დაგვაშორა. ბალტიისპირეთში ჩავიდა იმისათვის, რომ ახალი სავაჭრო თემა შემოეტანა სტატუსის მიღების სანაცვლოდ - სანქციები რუსეთის წინააღმდეგ, ანუ, სანქციები საკუთარი ხალხის წინააღმდეგ.

პრეზიდენტმა თავისი ანტიკონსტიტუციური ვიზიტით ახალი საბოტაჟი მოუმზადა საკუთარ ქვეყანას. საქართველოს ხელისუფლებას არ დაუმალავს და ყველამ კარგად იცის, რომ ჩვენ შევუერთდით ყველა პოლიტიკურ სანქციას და ნაწილობრივ ეკონომიკურ სანქციებს. ამ თემის გაცოცხლებით ომის პარტიის „გენერალურმა სამდივნომ“ უცხოეთში ახალი ხრიკი მოიფიქრა სტატუსზე სავაჭროდ, ისევ ჩვენი პრეზიდენტის და ოპოზიციის ხელით შესასრულებლად.

მათ უნდა შეიგნონ, რომ ჩვენ არ ვვაჭრობთ სტატუსით. ეს ჩვენ სამართლიანად გვეკუთვნის და მჯერა, მივიღებთ, რადგან საღად მოაზროვნე ძალა დიდია ევროპაში. საბედნიეროდ, პოლიტიკური შანტაჟისტები, როგორც საქართველოში, ასევე ევროპაშიც, მილევადია. შეუძლებელია ნამდვილ დემოკრატიას აჯობოს ანარქიამ.

ანარქისტების დრო რომ სრულდება, ამას თავად მათი კვლევები ცხადყოფს. ჩვენ ეს შელამაზებული, მაგრამ მაინც მათთვის უკიდურესად მძიმე კვლევის შედეგები არ გვჭირდება, ისედაც ვიცით, რომ ჭეშმარიტ ფასეულობებს ვერ ერევა ვერავინ. არჩევნების ბედს არ წყვეტენ პოლიტიკოსები, ამას წყვეტს საზოგადოება.

საქართველო იქნება ევროპული ოჯახის წევრი ეროვნულ-დემოკრატიული ღირებულებებით და პრინციპებით,“ - წერს ხუნდაძე, რომლის კომენტარსაც „ხალხის ძალა“ ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი