პაატა მანჯგალაძე - ფარცხალაძე ლუსტრირებული რუსი ჯაშუშია - ღარიბაშვილი მასთან ერთად საქართველოს ინტერების ღალატის სქემაშია ჩართული

„სტრატეგია-აღმაშენებლის“ დეპუტატის, პაატა მანჯგალაძის განცხადებით, ოთარ ფარცხალაძე „ლუსტრირებული რუსი ჯაშუშია და ხელისუფლებაში მყოფი არალუსტრირებული ჯაშუშები მას არ გაასამართლებენ“.

მისივე განმარტებით, „ირაკლი ღარიბაშვილი ფარცხალაძესთან ერთად, საქართველოს ინტერების ღალატის სქემაშია ჩართული“.

„ფარცხალაძე ლუსტრირებული რუსი ჯაშუშია. საქართველოს ხელისუფლებაში უფრო მაღალი ჩინის, არალუსტრირებული ჯაშუშები არიან და ბუნებრივია, მხილებულ, ლუსტრირებულ ჯაშუშს, ჯერ არალუსტრირებული ჯაშუშები არ გაასამართლებენ. ღარიბაშვილმა გუშინ ფაქტობრივად დაიცვა ფარცხალაძე და ამერიკის სპეცსამსახურებს ბრალი დასდო, თითქოს არასწორი ინფორმაცია გაავრცელეს. ეს იმიტომ ხდება, რომ ღარიბაშვილი ფარცხალაძესთან ერთად საქართველოს ინტერების ღალატის სქემაშია ჩართული. თუ ფარცხალაძეზე ნეგატიურად ისაუბრებდა რისკი იყო, რომ ფარცხალაძეს ღარიბაშვილის მხილება დაეწყო“, - განაცხადა მანჯგალაძემ.

გარდა ამისა, მან „ნაციონალური მოძრაობის“ ყოფილი თავმჯდომარის, ნიკა მელიას მიერ დაანონსებული ახალი პლატფორმის შექმნაზეც ისაუბრა და აღნიშნა, რომ მელია „ევროპული კურსის მხარდამჭერია და სადაც მისთვის კომფორტული იქნება, იქ უნდა გააგრძელოს ბრძოლა“.

„ნებისმიერი ადამიანი, არათუ ლიდერი, ამ ბრძოლაში მნიშვნელოვანია. გამარჯვების მთავარი გასაღები, ხალხთან კოალიციაა, ყველა იმ ადამიანთან, ვისთვისაც საქართველოს ერთიანობა ძვირფასია. ნიკა მელიაც ევროპული კურსის მხარდამჭერია და სადაც მისთვის კომფორტული იქნება, იქ უნდა გააგრძელოს ბრძოლა“, - განაცხადა პაატა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024