დავით ჭიჭინაძე - თურნავასნაირი მეორე მართლა არ არსებობს, მას ქვეყნის ეკონომიკა მხოლოდ „დამკვეთის“ შეკვეთის შესრულება ჰგონია

თურნავასნაირი მეორე მართლა არ არსებობს. მას ქვეყნის ეკონომიკა მხოლოდ „დამკვეთის“ შეკვეთის შესრულება ჰგონია, - ამის შესახებ „ტრიბუნას“ ლიდერმა დავით ჭიჭინაძემ განაცხადა.

მისივე თქმით, სანქციების დაიგნორებამ, შეიძლება სერიოზულ სანქციებამდე მიიყვანოს ქვეყანა.

„თურნავასნაირი მეორე მართლა არ არსებობს. მას ქვეყნის ეკონომიკა მხოლოდ „დამკვთის“ შეკვეთის შესრულება ჰგონია. თუ „დამკვეთს“ რაიმე კონკრეტული ობიექტის ხელში ჩაგდება მოუნდებოდა, ეს ოდითგანვე, ჯერ კიდევ შევარდნაძიდან და სააკაშვილიდან მოყოლებული, ასრულებდა და ასრულებს ყველა ბინძურ დაკვეთას. საქმეც კი იყო მასზე აღძრული, მაგრამ „ოცნებასთანაც“ დალაგდა და ახლა ერთად აქცევენ ქვეყანას. ფაცხალაძის თემაც ხომ მორიგი დაკვეთის შესრულებაა.

იმ სხვაობით, რომ ამ სანქციების დაიგნორებამ, შეიძლება სერიოზულ სანქციებამდე მიიყვანოს ქვეყანა, რადგან, როდესაც სავალუტო ფონდი პარტნიორობას გიწყვეტს, ე.ი. სანდოობის რეიტინგი დაეცა, რაც პირდაპირი ნიშანია ინვესტორებისთვის, რომ ქვეყნიდან უნდა გაიქცნენ.

ერთ მშვენიერ დღეს, შესაძლოა ლარის კურსი ისე ჩამოაქციონ, რომ მართლა ბოლომდე ჩამოვიშლებით. როგორც ჩანს ჯერ უბრალოდ ხალხს უწევენ ანგარიშს. ისე, კითხვა მაქვს ოპოზიციასთან, დღეს აღარ მოსწონთ თურნავა?! მათ როდესაც ემსახურებოდა, მაშინ ხომ კარგი იყო?! ძალიან ნაკლებად მახსენდება ვინმე, ვინც ჩემთან ერთად აპროტესტებდა მის აღზევებას“, - აღნიშნა ჭიჭინაძემ, რომლის კომენტარსაც „ტრიბუნას“ პრესსამსახური ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024