ფინანსთა მინისტრი მიიჩნევს, რომ აეროპორტების მშენებლობისა და რეაბილიტაციის პროცესში, შესაძლოა, სახელმწიფოს მხრიდან არ იყოს სუვერენული დაფინანსების საჭიროება

ფინანსთა მინისტრი ლაშა ხუციშვილი მიიჩნევს, რომ აეროპორტების მშენებლობისა და რეაბილიტაციის პროცესში, შესაძლოა, სახელმწიფოს მხრიდან არ იყოს სუვერენული დაფინანსების საჭიროება.

ამის შესახებ მინისტრმა მთავრობის სხდომის დასრულების შემდეგ გამართულ ბრიფინგზე ისაუბრა.

ლაშა ხუციშვილის თქმით, ამჟამად ამ მიმართულებით მუშაობს ეკონომიკის სამინისტრო შესაბამისი კვლევის განხორციელების ეტაპზე და კვლების შედეგად გამოიკვეთება, იქნება თუ არა სახელმწიფოს მონაწილეობის აუცილებლობა.

„ამ მიმართულებით მუშაობს ეკონომიკის სამინისტრო შესაბამისი კვლევის განხორციელების ეტაპზე. მას შემდეგ, რაც დასრულდება კვლევა, შესაბამისად იქნება გადაწყვეტილება მიღებული კონკრეტულ მოდელთან დაკავშირებით. თუმცა, ფინანსთა სამინისტროს წინასწარი შეფასებით, აქ შეიძლება არ იყოს სუვერენული დაფინანსების საჭიროება, იქიდან გამომდინარე, რომ დღეს აეროპორტის არსებული მოდელი არის იმდენად მომგებიანი, რომ შესაბამისი შემოსავლები უზრუნველყოფდეს აღნიშნული პროექტის დაფინანსებას სუვერენული გარანტიების და სახელმწიფოს მხრიდან სუვერენული ჩარევების გარეშე. დღეს არსებული ბიზნესმოდელი ამის შესაძლებლობას იძლევა, თუმცა, ბუნებრივია, მნიშვნელოვანია საბოლოო კვლევა როგორ დასრულდება. თუ ამისი საჭიროება იქნება, ეს ბიუჯეტში შემდგომ აისახება, თუმცა ჩვენი წინასწარი შეფასებით, აეროპორტების შემოსავლები და მომგებიანობა იმდენად მაღალია, რომ აქ, დიდი ალბათობით, შესაძლებელია არც იყოს სახელმწიფოს მხრიდან სუვერენული დაფინანსების საჭიროება. აქ საუბარია იმაზე, რომ სახელმწიფო შესაძლებელია ფლობდეს, თუმცა კომპანიის, რომელიც მოემსახურება ამ აეროპორტს, შემოსავლებმა სრულად უზრუნველყოს იმ ვალდებულებების გადახდა, რა ვალდებულებებიც იქნება აღებული აღნიშნული მშენებლობის და რეაბილიტაციის ფარგლებში“, - განაცხადა ლაშა ხუციშვილმა.

მან არ დააკონკრეტა, რომელი აეროპორტების მშენებლობა-რეაბილიტაციაზე შეიძლება იყოს საუბარი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024