თინა ბოკუჩავა - შეიძლება ირაკლი ღარიბაშვილს და „ქართული ოცნების“ სხვა წევრებს სტუდენტობის დროს ძალიან უჭირდა, მაგრამ ახლა მულტი მილიონერები არიან - ეს იმიტომ, რომ ქვეყანა ჩაფლულია კორუფციაში!

შეიძლება ირაკლი ღარიბაშვილს სტუდენტობის დროს ძალიან უჭირდა და „ქართული ოცნების“ ხელისუფლების ბევრ სხვა წევრს სოციალურად დაუცველის სტატუსიც ჰქონდა, მაგრამ ახლა მულტი მილიონერები არიან - ეს იმიტომ, რომ ქვეყანა ჩაფლულია კორუფციაში! - აღნიშნული განცხადება პარლამენტში, ფრაქცია „ნაციონალური მოძრაობის“ თავმჯდომარე თინა ბოკუჩავამ გააკეთა.

ბოკუჩავას თქმით, პრემიერ-მინისტრის მიერ გაკეთებული განცხადება იმის თაობაზე, რომ შეძლებული ოჯახიდან არის და მისი ოჯახი არასდროს ყოფილა გაჭირვებული, „ადასტურებს, რომ კორუფცია არის ივანიშვილის ხელისუფლების მთავარი სამარკო ნიშანი“.

„ნაცვლად იმისა, რომ ბიუჯეტის ფული ხალხამდე მიდიოდეს, მათ ჯიბეში მიდის. ასეთია რეალობა, რომელშიც ჩვენ ვცხოვრობთ. ირაკლი ღარიბაშვილი არის ადამიანი, რომელიც მეუღლეს ტყეებს ჩუქნის, 100 000 იხდის, რათა შვილი აშშ-ში სასწავლებლად სამთავრობო თვითმფრინავით გადააფრინოს, ნახევარმილიონიან მაჯის საათს ატარებს - კორუფცია არის ივანიშვილის ხელისუფლების მთავარი სამარკო ნიშანი. ივანიშვილი ამ ადამიანების ერთგულებასა და ლოიალურობას არა მათი პრინციპებიდან და მაღალი ღირებულებებიდან გამომდინარე, არამედ ფულით მოიპოვებს. რასაც ვერ იყიდი ფულით, იყიდი უფრო მეტი ფულით - ასე ყიდულობს იმ ადამიანების ლოიალურობას, რომლებიც ქვეყნის მომავალს მიზანმიმართულად ანგრევენ“, - განუცხადა ჟურნალისტებს თინა ბოკუჩავამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024