გიორგი ტყემალაძე და საკრებულოს წევრები “თბილისობის” დღესასწაულისადმი მიძღვნილ ღონისძიებებს დაესწრნენ

თბილისის საკრებულოს თავმჯდომარე გიორგი ტყემალაძე, მოადგილეებთან, ზურაბ აბაშიძესა და თინათინ ნიბლოშვილთან, საკრებულოს ფრაქცია „ქართული ოცნება - დემოკრატიული საქართველოს“ თავმჯდომარესთან, ოთარ გრიგოლიასთან და საკრებულოს წევრებთან ერთად „თბილისობა 2023“-ისადმი მიძღვნილ ღონისძიებებს დაესწრო.

ამის შესახებ ინფორმაციას თბილისის საკრებულო ავრცელებს.

მათივე ცნობით, გიორგი ტყემალაძემ მოსახლეობას თბილისობის დღესასწაული მიულოცა და განაცხადა, რომ წლევანდელი თბილისობის პროგრამა კვლავ მრავალფეროვანი და მასშტაბური იქნება.

„საერთო-სახალხო ზეიმის დროს თვალნათლივ ჩანს დედაქალაქის მრავალეთნიკური სახე, თბილი და მეგობრული ურთიერთობა სხვადასხვა ეროვნების და კონფესიის მოქალაქეებს შორის, ის უწყვეტი კავშირი თბილისის ისტორიულ წარსულთან, რომელმაც შექმნა უნიკალური იდენტობა - თბილისელობა. მინდა ყველას მივულოცო თბილისობის დღესასწაული. თბილისის მასშტაბით არაერთი ღონისძიებაა დაგეგმილი და დარწმუნებული ვარ, თბილისის მაცხოვრებლები და ჩვენი ქალაქის სტუმრები კმაყოფილნი იქნებიან”, - განაცხადა გიორგი ტყემალაძემ.

დედაქალაქის საკრებულოს თავმჯდომარემ წარმომადგენლობითი ორგანოს წევრებთან ერთად ორბელიანის მოედანზე, რიყის პარკსა და აბანოთუბანში „თბილისობა 2023“-ის ფარგლებში წარმოდგენილი სხვადასხვა საგამოფენო სივრცე და სამეწარმეო ბაზრობა დაათვალიერა.

საკრებულოს წარმომადგენლები საქართველოში მცხოვრები ეთნიკური ჯგუფების მიერ წარმოდგენილ ტრადიციულ კუთხეებს გაეცნენ.

ორი დღის განმავლობაში როგორც ორბელიანის მოედანსა და მიმდებარე ტერიტორიაზე, ასევე რიყის პარკსა და აბანოთუბანში „თბილისობის“ აღმნიშვნელი მრავალფეროვანი გასართობი და მუსიკალური ღონისძიებები იქნება წარმოდგენილი, მათ შორის, გასტრონომიული ფესტივალები, გამოფენა-გაყიდვები და საბავშვო აქტივობები.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024