11 წლის თავზე „ქართულმა ოცნებამ“ ვერ მოახერხა დაესრულებინა გზა, რომელიც რუსთავს აკავშირებს დედაქალაქთან მაშინ, როდესაც თანხა მოძიებული, ხოლო პროექტი მზად იყო, - ამის შესახებ ფრაქცია “ერთიანი ნაციონალური მოძრაობის” დეპუტატმა დავით კირკიტაძემ განაცხადა.
მისივე თქმით, „ქართულმა ოცნებამ“ 11 წლის განმავლობაში ვერ მოახერხა რუსთავისთვის და გარდაბნისთვის მნიშვნელოვანი გზის დასრულდება.
„11 წლის თავზე „ქართულმა ოცნებამ“ ვერ მოახერხა დაესრულებინა გზა, რომელიც რუსთავს აკავშირებს დედაქალაქთან მაშინ, როდესაც თანხა მოძიებული, ხოლო პროექტი მზად იყო. ეს ის გზაა, რომელიც რუსთავს აკავშირებს დედაქალაქთან. ყოველდღიურად ათასობით ადამიანს უწევს გადაადგილება დედაქალაქისკენ. 11 წლის განმავლობაში ვერ მოახერხეს რუსთავისათვის და გარდაბნისთვის ესოდენ მნიშვნელოვანი გზის დასრულდება, შუა გზაზეა მიტოვებული. მას შემდეგ, რაც 10 წელი გავიდა, ორგანიზაციამ, ის თანხა, რომლითაც ეს გზა უნდა დასრულებულიყო, უკან წაიღო“,- განაცხადა დავით კირკიტაძემ, რომლის კომენტარსაც პარტიის პრესსამსახური ავრცელებს.