დიმიტრიოს კარაბალისი - კანდიდატის სტატუსის მინიჭების საკითხი ევროკავშირის 27 წევრი ქვეყნის გადასაწყვეტია

კანდიდატის სტატუსს კომისია არავის ანიჭებს. კანდიდატის სტატუსის მინიჭების საკითხი ევროკავშირის 27 წევრი ქვეყნის გადასაწყვეტია, მათ აქვთ გადაწყვეტილების მიღების სუვერენული უფლება, - ამის შესახებ საქართველოში ევროკავშირის სადამკვირვებლო მისიის ხელმძღვანელმა, დიმიტრიოს კარაბალისმა მისიის დაარსებიდან მე-15 წლისთავთან დაკავშირებით გამართულ პრესკონფერენციაზე განაცხადა.

მან ე.წ. საზღვართან ადამიანების გატაცების ფაქტების სტატისტიკაზეც ისაუბრა და აღნიშნა, რომ წლების განმავლობაში შეინიშნება გატაცების ფაქტებიუს კლება.

"შეინიშნება გატაცების ფაქტების კლება წლების განმავლობაში, მაგალითად, 2013 წელს სამხრეთ ოსეთის ადმინისტრაციულ სასაზღვრო ხაზზე დაფიქსირდა 190 ფაქტი, გასულ წელს 41, ხოლო წელს 26-მდე შემცირდა, რაც შეეხება აფხაზეთს, 2013 წელს გატაცების 384 ფაქტი დაფიქსირდა, შარშან 7 და წელს - 3", - აღნიშნა ელჩმა.

მან მისიის მუშაობის მნიშვნელობაზეც ისაუბრა და ხაზი გაუსვა, რომ საქართველოში ევროკავშირის სადამკვირვებლო მისია დიალოგისთვის ხელსაყრელი პირობები შექმნას ცდილობს.

"საქართველოში კონფლიქტი ევროკავშირის სადამკვირვებლო მისიის გადასაწყვეტი არაა, მაგრამ ჩვენ ვმოქმედებთ იმისთვის, რომ სიტუაცია რაც შეიძლება წყნარი იყოს, შეიქმნას ხელსაყრელი გარემო იმისთვის, რომ მხარეები დასხდნენ და მოძებნონ გამოსავალი. ის, რასაც ვცდილობთ, არის, რომ შევქმნათ შესაფერისი პირობები, სადაც ეს დიალოგი შეიძლება გაიმართოს და გამოსავლის პოვნა შესაძლებელი გახდეს", - აღნიშნა ელჩმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს