პარტია „ხალხისთვის“ ლიდერმა იმერეთის რეგიონული ოფისი გახსნა

იმერეთის რეგიონში მცხოვრებ თითოეულ მოქალაქეს ამიერიდან აქვს შესაძლებლობა, რომ პარტია „ხალხისთვის“ რეგიონულ ოფისში მივიდეს, პარტიის ლიდერებს და წევრებს საკუთარი მოსაზრებები გააცნოს და მისი ხმა ხელისუფლებას მიაწვდინოს. ამის შესახებ ინფორმაციას პარტია „ხალხისთვის“ ავრცელებს.

პარტია „ხალხისთვის“ ლიდერის ანა დოლიძის განცხადებით, ამიერიდან იმერეთის მაცხოვრებლებს შეუძლიათ, ყოველდღე მივიდნენ მათ რეგიონულ ოფისში, გაუზიარონ პარტიის წევრებს საკუთარი შეხედულებები, თუ როგორ ხედავენ იმ მძიმე მდგომარეობიდან გამოსავალს, რაც დღეს ქვეყანაშია და თავადაც ჩაერთონ პროცესში.

როგორც პარტიის მიერ გავრცელებულ ინფორმაციაშია აღნიშნული, პარტია „ხალხისთვის“ რეგიონული ოფისის ხელმძღვანელი კახი დვალიშვილი იქნება, რომელიც საკრებულოს წევრი გახლდათ და ზუსტად იცის, როგორ მიიტანოს ხალხის ხმა ხელისუფლებამდე და როგორ იბრძოლოს მათ პრობლემების გადასაჭრელად.

ინფორმაციის მიხედვით, ის ქუთაისში დაიბადა და გაიზარდა, დვალიშვილი კარგად იცნობს ადგილობრივებს და ზუსტად იცის, რა აწუხებს ხალხს რეგიონში.

„ჩვენ დღეს გავხსენით პარტიის რეგიონული ოფისი და ამით ადგილობრივებს ვუთხარით, რომ თითოეულ თქვენგანს ახლა უკვე შეგიძლიათ, ადგილზე მოხვიდეთ და გვესაუბროთ თქვენთვის საინტერესო და საჭირბოროტო საკითხებზე. მოგეხსენებათ, პარტია „ხალხისთვის“ და მისი ლიდერი, ანა დოლიძე საქართველოს მოქალაქეების სოციალური პრობლემების მოსმენას და მათ მოგვარებას დიდ ყურადღებას უთმობს. ამიტომ ახლა, ქუთაისის ოფისშიც შეუძლიათ მოგვაკითხოთ, არა მხოლოდ მოსაზრებების გასაზიარებლად, არამედ იმისთვის, რომ თავად ჩაერთოთ პოლიტიკურ პროცესში. ჩვენი კარი თითოეული ადამიანისთვის ღიაა, ვისაც ამ ხელისუფლების შეცვლა და ღირსეულ ქვეყანაში ცხოვრება სურს“, - აცხადებს კახი დვალიშვილი.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი