საქართველოს ტურიზმის ეროვნული ადმინისტრაცია კანის კორპორაციული მედიისა და ტელევიზიის ფესტივალის გამარჯვებულია

კანის კორპორაციული მედიისა და ტელევიზიის ფესტივალზე საქართველოს ტურიზმის ეროვნული ადმინისტრაციის ვიდეო კოლაჟმა გაიმარჯვა.

ამის შესახებ ინფორმაციას საქართველოს ტურიზმის ეროვნული ადმინისტრაცია ავრცელებს.

მათივე ცნობით, 2022 წლის ტურისტული კამპანიისთვის 3 ვიდეო რგოლი ტურიზმის ეროვნული ადმინისტრაციის დაკვეთით Bloomberg-მა მოამზადა.

„კანის წლევანდელ ფესტივალზე ტურისტულ მიმართულებებს შორის საუკეთესო ვიდეოკოლაჟად Bloomberg-ის „Glimpses of Georgia“ დასახელდა.

დაჯილდოების ოფიციალური ცერემონია 27-28 სექტემბერს, საფრანგეთში, კანში გაიმართება. კანის კორპორაციული მედიისა და ტელევიზიის ფესტივალი 2010 წელს დაფუძნდა და ყოველწლიურად იმართება, ფესტივალზე კორპორაციული ფილმები, ონლაინ მედია პროდუქცია, დოკუმენტური ფილმები, კლიპები და სარეკლამო ვიდეო რგოლებია წარმოდგენილი.

გავლენიან საერთაშორისო პლატფორმასთან ტურიზმის ეროვნული ადმინისტრაცია 2019 წლიდან თანამშრომლობს, რის ფარგლებშიც მომზადდა სტატიები და ვიდეო რგოლები საქართველოს ბუნების, თავგადასავლების, კულტურის, ღამის ცხოვრების, ღვინისა და გასტრონომიის შესახებ. კამპანია სხვადასხვა სოციალურ არხებზე (Facebook, Instagram, Twitter, TikTok, YouTube) და Bloomberg-ის ოფიციალურ ვებ-გვერდზე მიმდინარეობდა.

ტურიზმის ეროვნული ადმინისტრაცია Bloomberg-თან თანამშრომლობას წელსაც აგრძელებს. კამპანია ივლისში დაიწყო და დეკემბრის ბოლომდე გაგრძელდება. წლევანდელი კამპანიის ფარგლებში Bloomberg-მა საქართველოში Youtube-ზე პოპულარული გადაცემის „Sorted Food” წამყვანები ჩამოიყვანა საქართველოში, Bloomberg-მა წამყვანების მონაწილეობით ქართული სამზარეულოს, ღვინის მომზადებისა და კულტურის შესახებ ვიდეო რგოლები მოამზადა“, - ნათქვამია ინფორმაციაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?