რაგბის მსოფლიო ჩემპიონატის ფარგლებში, ქალაქ ბორდოში ქართული ღვინის მასშტაბური წარდგენა გაიმართა

რაგბის მსოფლიო ჩემპიონატის ფარგლებში, ქალაქ ბორდოში ქართული ღვინის მასშტაბური წარდგენა გაიმართა. ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, 2023 წლის მსოფლიო ჩემპიონატის ფარგლებში, ქართული ღვინისა და ქართული რაგბის პოპულარიზაციის ერთობლივი ღონისძიებების ჩატარება ღვინის ეროვნულ სააგენტოსა და საქართველოს რაგბის კავშირს შორის გაფორმებული მემორანდუმითაა გათვალისწინებული.

ქ.ბორდოში, ღვინის ცივილიზაციის მსოფლიო ცენტრში „Cité du Vin“, ღვინის ეროვნული სააგენტოს უშუალო ორგანიზებითა და საფრანგეთის რესპუბლიკაში საქართველო საელჩოს მხარდაჭერით გამართული ქართული ღვინის წარდგენის ღონისძიება ორ ნაწილს მოიცავდა: ქართული ღვინის პროფესიული დეგუსტაცია, რომელსაც 80-ამდე მოწვეული სტუმარი დაესწრო. დეგუსტაციას ღვინის ცივილიზაციის მსოფლიო ცენტრის სომელიე უძღვებოდა, რომელმაც სტუმრებს ბორდოს მუზეუმის მარაგში დაცული ქართულ ღვინოები წარუდგინა; საზეიმო ვახშამი სტუმრებისთვის, რომელთა შორის მსოფლიო რაგბის, საფრანგეთის სარაგბო ფედერაციის, ფიჯის სარაგბო გაერთიანების, საქართველოს რაგბის კავშირის, საფრანგეთის რესპუბლიკაში საქართველოს საელჩოს და საკონსულოს წარმომადგენლები იყვნენ. ასევე, ქართველი ვეტერანი მორაგბეები, რომლებიც სხვადასხვა დროს საფრანგეთის კლუბებში თამაშობდნენ.

ქალაქ ბორდოში გამართულ ღონისძიებას საქართველოს გარემოს დაცვისა და სოფლის მეურნეობის მინისტრის მოადგილე, თენგიზ ნასარიძე და ღვინის ეროვნული სააგენტოს თავმჯდომარის მოადგილე, დავით ტყემალაძე დაესწრნენ.

„სიმბოლურია, რომ ეს ორი ღონისძიება სწორედ აქ, მსოფლიო ღვინის დედაქალაქში, ქალაქ ბორდოში გაიმართა. ღვინის ცივილიზაციის მსოფლიო ცენტრში „Cité du Vin“, 2017 წელს, სწორედ საქართველო იყო ის ქვეყანა, რომელმაც გახსნა ეს მუზეუმი და სწორედ აქედან გაიგო მსოფლიო საზოგადოებამ სამეცნიეროდ დადასტურებული ფაქტის შესახებ, რომ საქართველო, ღვინის წარმოების 8 წლიანი უწყვეტი ისტორიით არის ღვინის სამშობლო“, - განაცხადა დავით ტყემალაძემ.

საზეიმო ვახშამს მსოფლიო რაგბის პრეზიდენტი ბილ ბომონტი დაესწრო.

„ეს შესანიშნავი ღონისძიებაა, ნომერ პირველი, და ვფიქრობ, საფრანგეთში, ღვინის სამყაროს შუაგულში ჩამოსვლა და ქართული ღვინის დაგემოვნება აბსოლუტურად გამორჩეული რამაა. ის წვლილი, რაც ქართული რაგბის გუნდმა მოუტანა ქვეყანას, რაგბის სამყაროს, განუსაზღვრელია. მოხარული ვარ, რაგბის სფეროს სახელით დავესწარი ამ ღონისძიებას, დავაგემოვნე თქვენი შესანიშნავი ღვინოები და ვნახე თქვენი სტუმართმოყვარეობა“, - აღნიშნა ბილ ბომონტმა.

ბორდოში გამართულ საზეიმო ვახშამს საქართველოს საგანგებო და სრულუფლებიანი ელჩი საფრანგეთის რესპუბლიკაში გოჩა ჯავახიშვილი უძღვებოდა.

„საქართველო დღეს წარმოდგენილი იყო მსოფლიოში ღვინის მექად აღიარებულ ბორდოს ღვინის მუზეუმში. ძალიან სიმბოლურია, რომ რაგბის ჩემპიონატის ფარგლებში გაიმართა ეს შეკრება და ერთობლივად იყო წარდგენილი ქართული ღვინო და ქართული რაგბი. ღონისძიების სტუმრები აღფრთოვანებულები არიან ქართული ღვინით, პოლიფონიით, სამზარეულოთი და მასპინძლობით“, - განაცხადა გოჩა ჯავახიშვილმა.

ღვინის ეროვნულ სააგენტოსა და საქართველოს რაგბის კავშირს შორის გაფორმებული მემორანდუმის შესაბამისად, რაგბის მსოფლიო ჩემპიონატის დასრულების შემდგომ, მსგავსი ფორმატის ღონისძიებები თანმდევი გახდება ყველა იმ მსხვილი საერთაშორისო ტურნირის, რომელშიც ქართველი ბორჯღალოსნები მიიღებენ მონაწილეობას.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს