ცესკო შუალედური და რიგგარეშე არჩევნების წინასწარ შედეგებს აქვეყნებს

ცენტრალური საარჩევნო კომისიის პრეს-სპიკერმა პირველი ოქტომბრის შუალედური/რიგგარეშე არჩევნების წინასწარი შედეგი წარადგინა.

როგორც მან ცესკოში გამართულ ბრიფინგზე განაცხადა, დათვლილია ყველა, 133-ვე საარჩევნო უბნის მონაცემები. საქართველოს პარლამენტის შუალედური არჩევნებში მამუკა ტუსკაძემ (საქართველოს მოქალაქეთა პოლიტიკური მოძრაობა „სოციალური სამართლიანობისათვის“) -1 562 ხმა აიღო, გიორგი სოსიაშვილმა (მოქალაქეთა პოლიტიკური გაერთიანება „ქართული ოცნება - დემოკრატიული საქართველო“) - 23 523 ხმა.

რაც შეეხება გურჯაანის მერის რიგგარეშე არჩევნებს, მისივე ინფორმაციით, გიორგი მაჭავარიანმა (მოქალაქეთა პოლიტიკური გაერთიანება „ქართული ოცნება - დემოკრატიული საქართველო“) - 17 430 ხმა აიღო.

ნათია იოსელიანის განცხადებით, შემაჯამებელი ოქმები, ისევე როგორც ელექტრონული აპარატებიდან ამობეჭდილი წინასწარი შედეგების შესახებ ამონაწერები ატვირთულია ვებგვერდზე results.cec.gov.ge და ყველა დაინტერესებულ პირს აქვს შესაძლებლობა გაეცნოს მათ.

„აღნიშნულ ვებგვერდზე მონაცემების ატვირთვა დაიწყო პირველი ოქტომბრის 20:18 საათიდან, ხოლო არჩევნების წინასწარი შედეგები 103 უბნის მიხედვით ცესკოს თავმჯდომარემ საარჩევნო უბნების დახურვიდან ერთ საათში წარადგინა. ამ დროში წინასწარი შედეგის გამოქვეყნება უპრეცედენტოა. რაც შეეხება დანარჩენ 30 საარჩევნო უბანს, სადაც კენჭისყრა ტრადიციული წესით ჩატარდა, ამ უბნების საარჩევნო ბიულეტენები გაციფრულდა და შესაბამის უსაფრთხო პლატფორმაზე კანონმდებლობით გათვალისწინებულ ვადებში აიტვირთება, ხელმისაწვდომი იქნება ყველა დაინტერესებული მხარისთვის.

კიდევ ერთხელ გვინდა მადლობა გადავუხადოთ თითოეულ ამომრჩეველს, ვინც მოვიდა საარჩევნო უბნებზე და გამოხატა თავისი ნება; ასევე ყველა საარჩევნო ადმინისტრატორს, რომელთა ძალისხმევით საარჩევნო პროცესი მაღალ დონეზე იყო ადმინისტრირებული. ასევე ყველა ჩართულ მხარეს, საერთაშორისო და ადგილობრივ დამკვირვებლებს, მედიას. განსაკუთრებულ მადლობას ვუხდით საერთაშორისო კომპანია „სმარტმატიკს“, სწორედ მათთან პარტნიორობითა და მათი ტექნოლოგიური მხარდაჭერით ჩატარდა გუშინდელი არჩევნები“,- აღნიშნულია ინფორმაციაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?