სახალხო დამცველი  - თუ იმპიჩმენტის პროცესთან დაკავშირებით პრეზიდენტის ადმინისტრაცია მოგვმართავს, რომ „სასამართლოს მეგობრის მოსაზრება“ წარვადგინოთ, განცხადებას განვიხილავთ

სახალხო დამცველის ლევან იოსელიანის განცხადებით, თუ პრეზიდენტის ადმინისტრაცია სახალხო დამცველს სასამართლოში იმპიჩმენტის პროცესთან დაკავშირებით „სასამართლოს მეგობრის მოსაზრების“ წარსადგენად მიმართავს, ისინი ამ განცხადებას განიხილავენ.

ამის შესახებ ომბუდსმენმა პარლამენტში ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე განაცხადა, სადაც ის 2022 წლის ანგარიშს წარადგენს.

„იმპიჩმენტი ეს არის პოლიტიკური პროცესი, რომელიც დღეს პარლამენტში მიმდინარეობს. თუ ამ პროცესთან დაკავშირებით პრეზიდენტის ადმინისტრაცია მოგვმართავს, რომ სახალხო დამცველმა სასამართლოში სასამართლოს მეგობრის მოსაზრება წარადგინოს, რასაც ჩვენ, ზოგადად, საერთო სასამართლოების კონტექსტში ვაკეთებთ, განვიხილავთ ამ განცხადებას. განვიხილავთ არის თუ არა კავშირში ის კონსტიტუციის მე-2 თავით გათვალისწინებულ უფლებებთან და თუ ამ კავშირს დავინახავთ, რა თქმა უნდა, მოსაზრებას წარვადგენთ. თუ ამ კავშირს ვერ დავინახავთ, ასეთი მოსაზრება წარდგენილი არ იქნება“, - განაცხადა ლევან იოსელიანმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი