ირაკლი ღარიბაშვილი - მინდა გავაფრთხილო მტრული ძალები როგორც ქვეყნის შიგნით, ისე მათი მხარდამჭერები საზღვრებს გარეთ - არ დავუშვებთ არავითარ არეულობას და უმკაცრესად დაისჯება ყველა, ვინც ანტისახელმწიფოებრივ გეგმებს მოქმედებაში მოიყვანს

მინდა კიდევ ერთხელ გავაფრთხილო როგორც ქვეყნის შიგნით მოქმედი მტრული ძალები, ასევე მათი მხარდამჭერები ქვეყნის საზღვრებს გარეთ, ჩვენ არ დავუშვებთ არავითარ არეულობას ქვეყანაში,-ამის შესახებ პრემიერ-მინისტრმა, ირაკლი ღარიბაშვილმა მთავრობის დღევანდელ სხდომაზე განაცხადა.

პრემიერის თქმით, უმკაცრესად დაისჯება ყველა, ვინც ანტისახელმწიფოებრივ გეგმებს მოქმედებაში მოიყვანს.

„არ დავუშვებთ იმას, რომ ასეთმა დესტრუქციულმა ძალებმა კიდევ ერთხელ, ხელმეორედ დაანგრიონ ჩვენი ქვეყანა. ჩვენ არაერთი კრიზისი გამოვიარეთ ქვეყანაში 90-იანი წლებიდან მოყოლებული, იქნებოდა ეს სამოქალაქო არეულობა, ომები თუ უამრავი დესტაბილიზაცია. ეს არის მშვიდობისა და სტაბილურობის ერთადერთი პერიოდი, რომელიც ჩვენმა გუნდმა, ხელისუფლებამ ქვეყანაში მოიტანა. ჩვენ კარგად ვიცით, რა არის მათი გეგმები. მათი მიზანი არის ძალადობა, არეულობა, დესტაბილიზაცია. მათ რა თქმა უნდა, არ მოსწონთ ის წარმატებები, რომელიც დღეს ქვეყანაში გვაქვს. არ მოსწონთ, რომ დღეს ქვეყანაში მშვიდობა და სტაბილურობა შევინარჩუნეთ. მათი სურვილი არის ძალადობრივი გზით ხელისუფლების დამხობა და ქვეყანაში „მეორე ფრონტის“ გახსნა. ეს იყო მათი თავდაპირველი მიზანი და სამწუხაროდ, დღესაც რჩება მათ მიზნად. ამიტომ, განცხადებები, რომელიც სუს-მა გაავრცელა, არის პრევენციული ხასიათის, გამაფრთხილებელი განცხადებები კონკრეტული მტკიცებულების სახით. მინდა ყველას მოვუწოდო, რომ მაქსიმალური გონიერება გამოიჩინონ. ნუ მისცემენ ასეთ დესტრუქციულ ძალებს უფლებას, რომ თავი გამოაყენებინონ. კარგად გვახსოვს მარტის მოვლენები, თუ როგორ გამოიყენებს სტუდენტები და შემდეგ მიატოვეს. რა თქმა უნდა, ასე მოხდება. ეს ყველაფერი არის მათი დაგეგმილი ბინძური ანტიეროვნული, ანტისახელმწიფოებრივი გეგმები. ჩვენ ამას შევეწინააღმდეგებით და არ დავუშვებთ. ყველა იქნება მაქსიმალური სიმკაცრით დასჯილი, ვინც ამ ანტისახელმწიფოებრივ გეგმებს მოქმედებაში მოიყვანს. ასევე მინდა იმედი გამოვთქვა, რომ სათანადო ახსნა-განმარტებას მოვისმენთ საზოგადოება Usaid-ის ადგილობრივი ოფისისგან. სამწუხაროდ, დაფიქსირდა, რომ მათ მოწვევითა და დაფინანსებით იყო ჩამოსული ეს ადამიანები. ეს რა თქმა უნდა, სამწუხაროა ფაქტია, თუმცა ჩვენ დაველოდებით მათ ოფიციალურ განმარტებებს. Usaid-თან ჩვენ გვაქვს მრავალწლიანი თანამშრომლობა. ამიტომ, სამწუხაროა, რომ ასეთი ფაქტები ხდება“, -განაცხადა ღარიბაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024