შოთა ბურჯანაძე - ტურისტული ნაკადები, რაც თბილისში აკუმულირდებოდა, რეგიონებში გადამისამართდა - ზოგადად ტურისტების რაოდენობა წელს ზაფხულში დაგვაკლდა

ტურისტული ნაკადები, რომელიც ხშირ შემთხვევაში თბილისში აკუმულირდებოდა, ახლა რეგიონებში გადამისამართდა - საქართველოში ჩამოსული ტურისტები ხშირად თბილისს სტუმრობდნენ, ახლა კი პოზიტივია იმ კუთხით, რომ ეს ტურისტები რეგიონებში გადადიან,- ამის შესახებ რესტორატორთა ასოციაციის დამფუძნებელმა, შოთა ბურჯანაძემ განაცხადა.

როგორც მან მედიაჰოლდინგ „კვირაში“ აღნიშნა, ზოგადად, ტურისტების რაოდენობა ამ ზაფხულში დაგვაკლდა.

„ტურისტების რაოდენობის კუთხით რიცხვები მაღალი არ გვაქვს, მაგრამ შეიძლება, აქ ორი ფაქტორი არსებობდეს: პირველი - მსყიდველუნარიანი ტურისტი გვყავს და შესაბამისად, ეს რიცხვი, გარკვეულწილად, გაზრდილია. მეორე, ვფიქრობ, მნიშვნელოვანი საკითხია ის, რომ ქართულ ბიზნესში საგადასახადო კუთხით ბევრად გამოსწორებული მდგომარეობა გვაქვს.

ტურისტული ნაკადები, რომელიც ხშირ შემთხვევაში თბილისში აკუმულირდებოდა, ახლა რეგიონებში გადამისამართდა. საქართველოში ჩამოსული ტურისტები ხშირად თბილისს სტუმრობდნენ, ახლა კი პოზიტივია იმ კუთხით, რომ ეს ტურისტები რეგიონებში გადადიან. რეგიონები ამ კუთხით განვითარებულია. ეს რეგიონებია კახეთი, აჭარა, იმერეთი, სამეგრელო, სვანეთი, მთის კურორტები, აღმოსავლეთში გუდაური, თუ ბაკურიანი.

ეს განპირობებულია იმით, რომ დღეს ამ რეგიონებს სტუმრის მიღების უკეთესი შესაძლებლობა აქვთ, ვიდრე გუშინ. კახოვკის ჰესის აფეთქების შემდეგ, შავ ზღვასა და აჭარის რეგიონთან ცოტა რთული დამოკიდებულება იყო.საზოგადოების მხრიდან ჩათვლილი იყო, რომ შავი ზღვის მონაცემები სახიფათო იყო, ოჯახებით ზღვაზე დასვენებას უფრთხოდნენ. შესაბამისად, აჭარამ ტურისტების ის რაოდენობა ვერ მიიღო, როგორც ადრე. ეს ხალხი რეგიონებში გადანაწილდა. ეს როგორც შიდა ტურისტებისთვის, ისე ჩამოსულებისთვის დადებითია, მაგრამ რეალურად, ზოგადად, ტურისტების რაოდენობა ამ ზაფხულში დაგვაკლდა”, - განაცხადა ბურჯანაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024