მინისტრის მოადგილის განმარტებით, მთავრობისგან დახმარებას მხოლოდ ის მევენახეები მიიღებენ, რომლებსაც სეტყვის შედეგად ყურძენი სრულად დაუზიანდათ და ვენახი დაზღვეული არ ჰქონდათ

გარემოს დაცვისა და სოფლის მეურნეობის მინისტრის მოადგილის, თენგიზ ნასარიძის განცხადებით, მთავრობისგან დახმარებას მხოლოდ ის მევენახეები მიიღებენ, რომლებსაც სეტყვის შედეგად ყურძენი სრულად დაუზიანდათ და და ვენახი დაზღვეული არ ჰქონდათ.

როგორც მან მთავრობის სხდომის დასრულების შემდეგ განაცხადა, სეტყვის შედეგად დაახლოებით, 6 ათას ჰექტრამდე ვენახის ფართობი იქნა დაზიანებული.

„მოგეხსენებათ, რთველი საკმაოდ აქტიურ ფაზაშია შესული. საკმაოდ წარმატებულად და ორგანიზებულად მიმდინარეობს პროცესი. დღეისათვის, გადამუშავებულია, დაახლოებით, 180 ათასი ტონა ყურძენი. 13 ათას მევენახეს ყურძენი უკვე ჩაბარებული აქვს. მათი შემოსავალი, დაახლოებით, 200 მილიონი ლარია. თუმცა, სამწუხაროდ, პარალელურად ამ პროცესისა, ბოლო პერიოდში გააქტიურებულმა სტიქიურმა მოვლენებმა, ამ დარგსაც მიაყენა სერიოზული ზიანი. 2 სექტემბრის და 17 სექტემბრის სეტყვის შედეგად, დაახლოებით, 6 ათას ჰექტრამდე ვენახის ფართობი იქნა დაზიანებული. ამ ფართობიდან, საბედნიეროდ, გარკვეული რაოდენობა, თითქმის ნახევარი, იყო დაზღვეული, რაც ძალიან კარგია, თუმცა, გარკვეული ფაქტორების გათვალისწინებით, დანარჩენი ფართობის მესაკუთრეებს ვენახი დაზღვეული არ ჰქონდათ, შესაბამისად, მთავრობის გადაწყვეტილებით, შემუშავებულია მექანიზმი, რათა ყველა მევენახე, ვისაც სრულად დაუზიანდა ყურძენი, ერთ ჰექტარზე 3500 ლარის ოდენობით დახმარებას მიიღებს, რაც ვფიქრობთ, რომ ძალიან მნიშვნელოვანი თანადგომა იქნება მათთვის. მიზნობრივად უნდა მოხდეს ამ თანხის გამოყენება ვენახის მოვლის საშუალებებში, რათა მევენახეებმა შეძლონ საქმიანობის გაგრძელება, ვენახის გადარჩენა და შემდგომში აქტიური წვლილის შეტანა იმ მნიშვნელოვან პროცესში, რასაც ქართული მევენახეობის განვითარება ჰქვია“, - განაცხადა თენგიზ ნასარიძემ.

მინისტრის მოადგილემ ხაზგასმით აღნიშნა, რომ ერთადერთი ყველაზე ეფექტიანი მექანიზმი სტაბილური სასოფლო-სამეურნეო საქმიანობისთვის არის აგროდაზღვევა და მოუწოდა ფერმერებს ისარგებლონ აგროდაზღვევის სახელმწიფო პროგრამით.

ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024